Exodo 2:23 - Ing Mayap a Balita Biblia

²³ Mapilan pang banua kaybat na nita, mete ya ing ari ning Ehipto at ipus la pa mu rin ding Israelita. E la patugut sasaingsing at maniawad saup uli na ning kasakitan a daralanan da. Miras king Dios ing saingsing da.

Exodo 2:23 Iomraidhean Croise

Genesis 16:11

Ngana pa kang Agar, Mabuktut ka ngeni at ibait me ing metung a anak a lalaki; Ismael ing lagyung ibie mu; uling pekiramdaman na ning Ginu ing saingsing mu.

Genesis 4:10

Kanita ngana ning Ginu, Obat gewa mu ing anti kanyan? Kukulait kanaku ibat king gabun ing daya na ning kapatad mu.

Nehemias 9:9

Ikit mu ing kasakitan a delanan da ring kekaming makatua karin Ehipto; ing karelang aus dimdam mu inyang atyu la king Dagat da ring Timbu.

Job 35:9

Sasaingsing la ding taung magigipit; maniawad lang saup karing aliwa ban sagipan da la.

Ding Dalit 102:1

Pakiramdaman mu sana, O Ginu, ing panalangin ku; miras sa king arap mu ing saup a aduan ku!

Ding Dalit 102:2

E mu ku sa lalakuan neng atyu ku king kaguluan. Saingsing ku keka sanang pakiramdaman, at potang keka mamaus ku agad mu ku sanang pakibatan.

Ding Dalit 12:5

Oneng ngana ning Ginu, Kimut na ku para karing gigipitan dang kalulu, at karing sasaingsing saup karela kakung ibie.

Ding Dalit 18:6

Kaniting gipit kung kabilian, ing Ginu ya ing kakung inaus; king Templo na kakung bosis dimdam na, kakung saingsing miras king panamdam na.

Exodo 1:14

At alang lunus da lang pepagawan laryu at binie da karela ing sablang mabayat a obra king marangle.

Exodo 4:19

Ngana ning Ginu kanitang atyu ya pa i Moises king Midian, Moises, magbalik na ka karin Ehipto, uling mete na la detang bisang makamate keka.

Exodo 6:5

Dimdam ku ing saingsing da ring Israelitang inipusan da ring tau Ehipto at aganaka ke ing kasunduan ku.

Exodo 6:9

Sinabi nang Moises iti karing Israelita, oneng e la bisang makiramdam uling mengaina na la at tutung mabayat ing kasakitan a daralanan da.

Exodo 7:7

Walu yang pulung banua i Moises at walu yang pulu't atlung banua naman i Aaron kanitang migsalita la king ari.

Isaias 19:20

Maging palatandanan la deti king panga-atyu na ning Ginung Mayupaya king Ehipto. Potang mayalipit la ding tau karin at maniawad lang saklolu king Ginu, mitubud yang talapagligtas para karela.

Isaias 5:7

Ing Israel ya ing mulahan ubas ning Ginung Mayupaya, ding ubas a tenam na ila ding tau ning Juda. Asahan na ing karelang daptan itang makatuliran, oneng ing ikit na patayan! Asahan na karela ing dapat lang kayapan, oneng ing pepasari da kabaligtaran at tangis!

Ding Bilang 20:16

Inya sinaingsing kaming meniawad saup king Ginu. Pekibatan na kami ning Ginu at mitubud yang anghel at ya ing milual kekami king Ehipto. Atyu kami ngeni keni Kades, ing balen lele na ning angganan ning kekang kayarian.

Ding Dapat 7:30

Kaybat dang milabas ding apat apulung banua, pepakit ya kang Moises ing metung a anghel libutad ning lablab ning mitataung tanaman keta king disyerto malapit king Bunduk ning Sinai.

Deuteronomio 24:15

Ibie yu ing upa na kayari nang megobra bayu ya lumbug ing aldo; uling kalulu ya at ing upa na ya ing asahan nang pagkabie. Nung e yu agad ibie ing upa na, isumbung na kayu king Ginu at iti mibilang kasalanan kekayu.

Santiago 5:4

Magsalitang laban kekayu ing upang e yu binie karing taung megobra king kekayung gabun. Susukdul king banua ing saingsing da ring talapagobrang linipit yu; miraras king panamdam na ning Ginung Mayupayang tutu.

Ukum 4:3

Atin yang siam a ralan a karung panggera i Jabin, at kilub ding aduang pulung banua gipitan na la ding tau Israel king mitmung bigsikan. Kanita sinaingsing lang meniawad saup king Ginu ding memalen na ning Israel.

1 Samuel 12:8

Inalipusta de ring tau Ehipto i Jacob at ing pamilya na inyang minta ya karin Ehipto. Kanita minaus la king Ginu, at tinubud ne karela i Moises at i Aaron ban milual karela Ehipto, at binie ne karela iting lugal a iti bilang karelang tuknangan.

1 Samuel 9:16

Bukas king oras a anti kaniti, atin kung papuntalan a tau keka; ibat ya king sakup ning Benjamin at lanian me bilang ari ning balen kung Israel. Iligtas ne ing balen ku king gamat da ring Filisteo, uling ikit ku ing kasakitan na ning kanakung balen at miras na kanaku ing saingsing da.