Ngana karela, Agyang metung ku mung makipanuknangan libutad yu, pasaliwan yu ku sanang kapirasung gabun a gamitan kung pikutkutan king mete kung asawa.
O Ginu, kakung panalangin kekang pakiramdaman; O Ginu, kakung saingsing kekang pakiramdaman. E ka sa magmaklak-maklakan kening kakung tangis. King bale mu anti kung bisitang dinatang; dayuan a makituknang anti ding kakung makatua.
Inyang meragul ne ing anak, dela ne king prinsesa at tinuring ne iting sarili nang anak. Pemalagyuan neng Moises uling agpang king prinsesa ya ing misaka king anak inyang atyu ya king danum.
Inya tiki neng Moises ing asawa na at ding anak nang lalaki. Seke na la king asno at meko na lang papunta Ehipto; pidala-dala ne itang tukud-pastul a inutus ning Dios a idala na.
Telakad de ring tau ning Dan ing idolo ban karelang samban, at i Jonatan, ing anak nang Gersom at apu nang Moises, ya ing sinuyu bilang pari para karela. At sinuyu la naman karela ding lahi na bilang pari angga na inyang miyugse la karing aliwang bansa.