Exodo 2:16 - Ing Mayap a Balita Biblia

¹⁶ Atin yang pitung anak a babai i Jetro, ing pari ning Midian. Misan a aldo, makalukluk ya i Moises king lele ning talaga; dinatang la deting mikakapatad ban saklung danum para karing tupa at kambing nang tata ra.

Exodo 2:16 Iomraidhean Croise

Genesis 14:18

Migdala yang tinape at alak i Melkisedek a ari na ning Salem. Anti na ning pari ne ning Dios a Kakataskatasan, nganang memindisyun kang Abram,

Genesis 24:11

Mabibengi na inyang miras ya karin. Pepasikloran na la ding kamelyu lele na ning talaga a atyu lual ning siudad. Oras naman kanita ning paglual da ring babai ban saklung danum.

Genesis 24:13

Makatalakad ku ngeni lele na ning talaga at lulual na la ding babai ban saklung danum.

Genesis 29:2

Miglalawe ya. Menakit yang talaga king marangle. Ating atlung kawan da ring tupa a magpaynawa lele na niti, uling karin da la painuman ding kawan. Maragul ya itang batung pekatakap na ning talaga.

Genesis 41:45

Inalilan ne lagyu ning ari i Jose; Zafenat-Panea ing pemalagyu na. Binie ne ban maging asawa na i Asenat a anak nang Potifera a pari karin Heliopolis. Makanyan yang miglakbe i Jose king mabilug a Ehipto.

Exodo 18:1

Abalitan nang Jetro, ing pari ning Midian at katuangan nang Moises, ing sablang depatan na ning Dios para kang Moises at karing memalen na ning Israel kanitang liwal na la king Ehipto.

Exodo 18:12

Migdala ya kanita i Jetro metung a ain-a-durulukan mabilug at aliwa pang ain ban iyain king Dios. Tinuki ya i Aaron at ding sablang manimuna na ning Israel ban makisulu ketang banal a pamisulusulu bilang metung a dake na ning kapanyamban.

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

1 Samuel 9:11

Kabang paukiat la king dalan papunta king balen, asaganan da la ring babaing lulual ban saklung danum. Ngarang kinutang karela, Atyu ya ing manula king balen?