Exodo 2:15 - Ing Mayap a Balita Biblia

¹⁵ Inyang abalitan na ning ari iting mepalyari buri neng ipapate i Moises. Oneng mekatakas ya at miras king Midian at karin ya menuknangan.

Exodo 2:15 Iomraidhean Croise

Genesis 24:11

Mabibengi na inyang miras ya karin. Pepasikloran na la ding kamelyu lele na ning talaga a atyu lual ning siudad. Oras naman kanita ning paglual da ring babai ban saklung danum.

Genesis 25:2

Ding meging anak na kang Ketura ila di Zimran, Joksan, Medan, Midian, Isbak, at i Suah.

Genesis 25:4

Ding anak nang lalaking Midian ila ri Efa, Efer, Hanok, Abida, at Eldaa. Deti lahi na la ngan Ketura.

Genesis 29:2

Miglalawe ya. Menakit yang talaga king marangle. Ating atlung kawan da ring tupa a magpaynawa lele na niti, uling karin da la painuman ding kawan. Maragul ya itang batung pekatakap na ning talaga.

1 Ari 11:18

Meko la king Midian at minta la king Paran nung nu la menikuang tau ban mekiabe karela. Kaybat na nita, minta la king Ehipto at mekikit la king ari a minie karelang bale, pamangan, at gabun.

Exodo 18:4

Asabi na naman, Seupan na ku ning Dios nang tata ku, at linigtas king espada na ning ari ning Ehipto. Makanyan neng pemalagyuan Eliezer ing kadua nang anak.)

Exodo 4:19

Ngana ning Ginu kanitang atyu ya pa i Moises king Midian, Moises, magbalik na ka karin Ehipto, uling mete na la detang bisang makamate keka.

Ding Kasebian 22:3

Potang akakit nang daratang ing panganib, ing taung biasa mangilag ya, oneng ing taung mangmang e na pangilagan, inya daralan yang kasakitan.

Habakuk 3:7

Ikit ku lang mitakutan ding memalen ning Cusan, at gagalgal ding tau king Midian.

Mateo 10:23

At potang ligaligan da kayu king metung a balen, lumipat kayu king tutuking balen. Sasabian ku kekayu, e yu la akuang alaganasan king obra yu ding sablang balen ning Israel bayu ya datang ing Anak ning Tau.

Juan 4:6

Atyu karin ing talaga nang Jacob, at anti na ning mapagal ya i Jesus king pamaglakbe na, linukluk ya lele ning talaga. Halus kaugtuan nang aldo tapat kanita.

Ding Dapat 7:29

Inyang dimdam nang Moises iti meko ya Ehipto, at menuknangan ya king sakup ning Midian. Karin mikayanak yang aduang lalaki.

Hebreo 11:27

Ing kasalpantayanan ya naman ing menagkat kang Moises, inya birian neng likuan ing Ehipto, alang takut king mua na ning ari; e ya mebisang magbalik Ehipto, anti neng akakit ing Dios a e mayayakit.