Exodo 2:14 - Ing Mayap a Balita Biblia

¹⁴ Mekibat ya ing taung kitnan na, Ninu ing minie upaya keka ban maging pamuntuk ka at ukum kekami? Buri mu ku munaman galang paten antimo nung makananu meng pete itang tau Ehipto? Mitakutan ya i Moises at ngana king lub na, Abalu da na pala deng tau ing depat ku.

Exodo 2:14 Iomraidhean Croise

Genesis 13:8

Kanita nganang Abram kang Lot, E kata sana mipapate at ding magpastul ta. Mikamaganak kata!

Genesis 19:9

Oneng pekibat da kang Lot, Mako na ka kian! Ing taung iti, ngarang meninsultu, mekipanuknangan ya mu keti at saka mo ngeni manutus ya! Lisia ka nung e ka bisang lumasa balat migit karela! Saka ra ne penulak angga na king malapit da niang alasak ing pasbul.

Genesis 34:27

Pemangua da ring aliwa nang anak Jacob ing nanumang bage akua ra king siudad anting pamanablas king pangasira na puri ning kapatad dang i Dina.

Ding Kasebian 19:12

Ing mua ning ari mengaring galeung ning leon, oneng ing pamaniapat nang mayap mengaring uran a panenayan.

Ding Kasebian 29:25

E mu sa ikakabalisa ing sasabian da ring aliwa tungkul keka; magtiwala ka king Ginu at mipanatag ka.

Ding Bilang 16:13

E pa wari sapat ing leko mu kami king bansa ning Ehipto a labis-labis king kabiayan at dela keti king ilang ban paten mu kami mu king danup? Ngeni, bisa ka pang maging panginuan me?

Ding Bilang 16:3

Misanmetung la laban kang Moises at kang Aaron. Ngarang sinabi, Moises, Aaron, sobra na ing pamaniaptan yu! Banal ya ing mabilug a balen at e ne lalakuan ning Ginu. Obat tatas yung matas ing sarili yu kesa king balen na ning Ginu?

Mateo 21:23

Linub yang pasibayu king Templo i Jesus; kabang tuturu ya, linapit la ding pamuntuk da ring pari ampon ding makatua ning balen at ngara, Nanu ing kayupayan mung gawa kareting bage? Ninung minie keka king kayupayan a yan?

Lucas 12:14

Pekibat na, Abe, ninu ing tinuldu kanaku ban maging ukum o ban pipartian ku kekayu ing kekayung mana?

Lucas 19:14

Tutu ra ne mang kesaman ding memalen na, inya kalako na mitubud lang pekakatawan da ban sabian da, E mi ya buring maging ari ing taung iti.

Lucas 19:27

Ngeni, tungkul naman karetang kalaban kung e maki buri king maging ari ku karela, idala yu la keni at paten yu la king arap ku!

Ding Dapat 7:35

Iti ya ing Moises a tinggian da ring memalen na ning Israel. Ya itang kitnan dang Ninu ing minie upaya keka para sakupan mu kami at atulan? Ya kabud ing tinubud na ning Dios bilang talapanibala at talapagligtas at saup ning anghel a ikit na king mitataung tanaman.

Hebreo 11:27

Ing kasalpantayanan ya naman ing menagkat kang Moises, inya birian neng likuan ing Ehipto, alang takut king mua na ning ari; e ya mebisang magbalik Ehipto, anti neng akakit ing Dios a e mayayakit.