Exodo 2:11 - Ing Mayap a Balita Biblia

¹¹ Inyang meragul ne i Moises linual ya ban dalawan na la ding kabalen na, at ikit na nung makananu lang mengapuersa ding Israelita king obrang mangabayat. Ikit nia naman nung makananu neng pete ning tau Ehipto ing metung a Hebreo.

Exodo 2:11 Iomraidhean Croise

Exodo 1:11

Inya mibili lang kapatas karing Israelita ban pasakitan da la king kapamilatan na ning mabayat a obra. Makanyan lang mengapuersa ding Israelita king pamitalakad karing siudad ning Pitom at Rameses a pipagponduan nang kabiayan at kagamitan ning ari.

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Exodo 5:14

Nung sakaling kulang la king bilang ding ayari da, ding tau Ehipto pamugbugan da la ring kapatas a Israelita a mamahala karela. Ngarang sasabi, Obat e yu la ayari napun o ngeni ding laryu a sukat yung ayari antimo ing sadia yung gagawan?

Exodo 5:4

Ngana ning ari kang Moises at Aaron, Obat pangabalanan yu la king obra da ring tau? Sulung papagobran yu la pin ding ipus a ren!

Exodo 5:5

Ngening mas dakal kayu kesa kekaming tau Ehipto buri yung tuknang kayung magobra?

Exodo 5:9

Dagdagan yu pa ing obra da at e yu la paintulutan makapagpaynawa ban kanita e la mika panaun makiramdam king nanu pa mang kalaraman.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Isaias 58:6

Oyni ing pamag-ayunung buri ku: Ilako yu la ding tanikala na ning pamanggipit, ipatupad ing hustisia, at gawan malaya ding magigipit.

Mateo 11:28

Lumapit kayu kanaku, ikayung sablang mapagal na at kababayatnan at dinan da kayung kapaynawan.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,