Exodo 19:9 - Ing Mayap a Balita Biblia

⁹ Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 19:9 Iomraidhean Croise

1 Ari 8:12

Kanita nganang menalangin Solomon: O Ginu, ika ing mibili king aldo king banua, oneng pinili mu ing manuknangan ka king bigang makapal at king karalumduman.

2 Cronica 20:20

Migising lang maranun itang kabukasan, at minta la ketang ilang a lugal malapit king Tekoa. Bayu la linakad, inarapan na lang Jeosafat at ngana karela, Memalen na ning Juda at Jerusalem, makiramdam kayu kanaku. Manalig kayu king Ginung kekayung Dios at saupan na kayu. Magtiwala kayu karing propeta na at magtagumpe kayu.

2 Cronica 6:1

Kaybat na nita, nganang menalangin Aring Solomon, Ginu, sinabi mu ing manuknangan ka king makapal a biga.

Ding Dalit 97:2

Ing biga at dalumdum makapatulug king Ginu; manalumpakan king kabanalan at alang pamangabiran ing pamag-ari na.

Ding Dalit 99:7

Migsalita ya karela busal ning biga, at tiparan da lang tuntunan at kautusan a binie ning Ginu karela.

Exodo 14:31

Miyatdanan lang takut king Ginu ding Israelita inyang ikit da ing maragul nang upaya ning Ginu a ginamit na king pamagwagi na karing tau Ehipto; mika tiwala la king Ginu at king talasuyu nang i Moises.

Exodo 19:16

Kanitang abak ning katlung aldo menuldul at mengildap, at linto ya ing makapal a biga king bunduk. Meramdam ya ing matning tiup na ning trumpeta! Ginalgal la king takut ding sablang tau king kampu.

Exodo 20:21

Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Exodo 34:5

Tinipa ya ing Ginu king biga at tinalakad ya siping nang Moises at sinabi ne ing lagyu na: Ginu.

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Exodo 4:5

Ngana ning Ginu, Gawan mu ing anti kanyan ban patunayan mu karing Israelita king ing Ginu, ing Dios ding makatua da, ing Dios nang Abraham, Isaac, at Jacob pepakit ya keka.

Isaias 19:1

Iti ya ing mensahi tungkul king Ehipto. Mamirapal yang datang ing Ginu king Ehipto. Makasake ya king mabilis a biga. Inya galgal la arap na ding idolo da ring tau Ehipto at masira la lub ding memalen na.

Isaias 7:9

Ninu wari ing pangangas na ning Israel? Ing siudad ning Samaria a kabisera nang maina! Ninu naman ing pangangas na ning Samaria? Aliwa mu wari ing mainang i Aring Peka? Nung maina ing kekang kasalpantayanan, maina ka naman.

Ding Bilang 12:5

Tinipa ya at minta munaman karin ing Ginu king kapamilatan na ning asias a biga, at migpuestu ya arap ning pasbul. Inaus na la ri Aaron at Miriam. At inyang milapit na la,

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Marcos 9:7

Linto ya ing metung a biga at tikpan na la at meramdam ya ing siwalang ibat king biga. Ngana, Iti ya ing Anak kung kaluguran; makiramdam kayu keya!

Lucas 10:16

Nganang Jesus karing alagad na, Ing ninumang makiramdam kekayu, makiramdam ya kanaku; ing ninumang tanggi kekayu, tatanggian na ku at ing ninumang tanggi kanaku, tatanggian ne itang mitubud kanaku.

Deuteronomio 4:10

itang milyari inyang tinalakad kayu arapan na ning Ginung kekayung Dios karin king Bunduk ning Sinai, kanitang ing Ginu sinabi na kanaku, Tipunan mu la king arapan ku ding memalen ning Israel ban damdaman da la ring utus ku at mika takut la't kagalangan kanaku kabang bie ra. At ituru da la naman karing anak da.

Deuteronomio 4:36

Ibat banua migsalita ya ban ituru na kayu at pepakit ne keti king yatu ing mayupaya nang api at mekipagsalita ya kekayu libutad na niting api.

Kapahayagan 1:7

Pakatandanan yu iti: datang ya libutad da ring biga. Akit de ring sabla at pati na detang tinandus keya. Tumangis la ding sablang bansa na ning yatu uli na ning depat da kang Jesu-Cristo. Iti ya ing katutuan! Amen.