Exodo 19:8 - Ing Mayap a Balita Biblia

⁸ Kaybat na nita, ngarang agnan-agnan mekibat ding tau, Tuparan mi ngan ing inutus na ning Ginu. Migbalik ya i Moises king bunduk at binie na king Ginu ing pakibat da ring Israelita.

Exodo 19:8 Iomraidhean Croise

Nehemias 10:29

makisanmetung kami karing kekaming kapatad at manimuna king taimtim a pangaku a tuparan mi la ding sablang tuntunan at Kautusan ning Dios a miyabie king kapamilatan nang Moises a talasuyu na. Nung labag kami, makasadia kaming tanggap parusa.

Exodo 20:19

Ngara kang Moises, Makiramdam kami nung ika ing magsalita kekami, oneng e ne sana magsalita kekami ing Dios, pota mate kami.

Exodo 24:3

Inyang mibalik ya i Moises karing tau sinabi na ngan karela ing sablang yuyutus na't patupad ning Ginu. Ngara ngan mekibat king metung mung siwala, Tuparan mi la ngan ding sablang kautusan a binie na ning Ginu.

Exodo 24:7

Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Josue 24:21

Ngarang mekibat ding tau kang Josue, E makanyan. Ing Ginu ya ing suyuan mi.

Josue 24:24

Ngara kang Josue ding memalen, Suyuan mi ya ing Ginu, ing kekaming Dios. Pamintuan mi la ding utus na.