Exodo 19:7 - Ing Mayap a Balita Biblia

⁷ Inya kinuldas ya i Moises king bunduk at pepayaus na lang mitipun ding manimuna da ring tau, at sinabi na ngan karela itang yuyutus na ning Ginu.

Exodo 19:7 Iomraidhean Croise

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Exodo 4:28

Sinabi na ngan Moises kang Aaron ing sablang sinabi na ning Ginu inyang sinabi nang magbalik ne Ehipto. Sinabi na la namang Moises kang Aaron detang bage pagmumulalan a parapat ning Ginu.

1 Corinto 15:1

Kapatad, ngeni buri kung ipaganaka kekayu ing Mayap a Balita a penaral ku kekayu a kekayu namang tinggap, at ngeni katatalakaran nang matibe ning kasalpantayanan yu.