Exodo 19:6 - Ing Mayap a Balita Biblia

⁶ ing balen a mitalaga mung bukud kanaku at sumuyu kanaku bilang pari.

Exodo 19:6 Iomraidhean Croise

1 Ari 3:8

Atyu ku ngeni libutad da ring taung kekayung pinili; milalu la king karakal at e mu la abilang-bilang.

1 Ari 8:53

Karing sablang tau, ika mismu ing memili karela ban maging bandi mu, antimo ing sinabi mu karela king kapamilatan nang Moises a talasuyu mu, O Ginung Dios, kanitang liwal mu la ding makatua mi king Ehipto.

1 Cronica 17:22

O Ginu, gewa mu lang sarili mung memalen ding Israelita king kapilan pa man, at ika naman ing meging Dios da.

Ding Dalit 114:2

ing Juda ya ing meging banal nang balen, ing Israel ya ing meging sarili nang pibandian.

Exodo 15:26

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing Ginu, ing babie kapaldanan kekayu.

Exodo 22:31

Ikayu ing balen a pinili ku, inya e kayu mamangan king karni na ning animal a piglapak da ring lasip; pakan yu nia mu karing asu.

Exodo 28:36

Gawa kang metung a palamuting tsapang gintung puru at idukit mu kaniti ing: Makatalaga king Ginu.

Isaias 43:4

E bala ing mawala la kaku ding dakal a bansa, masagip ya sana ing bie mu, uling mal ka kaku, at dinan da kang dangalan, uling tune da kang pakamalan.

Isaias 61:6

Makilala kayung pari ning Ginu, talasuyu ning Dios tamu. Tamasan yu ing pibandian da ring bansa, at ipagmaragul yu king iti kekong bandi.

Isaias 62:12

Mayaus kayung Banal nang Memalen ning Dios, Ding Taung Linigtas ning Ginu. Ing Jerusalem mayaus yang Siudad a Pakamalan ning Dios, Ing Siudad a E Na Pepaburen ning Dios.

Isaias 66:21

Gawan ku lang pari at Levita ding mapilan karela.

Jeremias 13:11

Nung makananu yang matalik ing salol king awakan ning tau, makanyan ku namang pagnasan ing maging matalik la pangakalawat kanaku ding memalen na ning Israel at ning Juda. Depat ku iti ban ila ding maging taung kanakung pinili at magdalang kapurian at dangalan king kanakung lagyu. Oneng e la bisang memintu kanaku.

Jeremias 2:3

Israel, bukud mung kaku ka; ika ing banal kung pibandian. Peparala kung kasakitan at kasiran king ninumang manyira keka. Aku, ing Ginu, ing migsalita.

Jeremias 7:23

Oneng inutus ku lang mamintu kanaku ban aku ing maging karelang Dios at ila ding maging kanakung memalen. At sinabi ku karela king mibiebie la agpang king inutus ku karela ban ing sabla-sabla maging masalese para karela.

Levitico 19:2

Sabian mu karing memalen na ning Israel: Magpakabanal kayu, uling aku, ing Ginung kekayung Dios, banal ku.

Levitico 20:24

Pengaku ku kekayu king ibie ke kekayu iting gabun a masanting at mataba ban maging bandi yu. Aku ing Ginung kekayung Dios at aku ing memili kekayu bilang memalen ku.

Levitico 20:26

Magpakabanal kayu at maging tapat kanaku, uling aku, ing kekayung Ginu, banal ku. Pinili ra kayu karing aliwang bansa ban maging bukud mung kanaku.

Levitico 21:23

Makanyan man, e ya sukat lalapit king sagradung tabing o lalapit king altar uli na ning atin yang pinsala king katawan na. Kabud linapit ya lepastangan na la ding banal a bage, uling aku ing Ginu a papagbanal kareti.

Amos 3:2

Ngana, Ikayu mung bukud ing pinili ku karing sablang bansa keti king yatu at pigmalasakitan. At iti pasari king beyatan na ning kekayung kasalanan, at iti ing sangkan ban sukat da kayung parusan karing kekayung kasalanan!

Hageo 2:5

Inyang meko kayu Ehipto, pengaku ku king manatili kung mamantabe kekayu. Angga ngeni kayabe yu ku. Inya e kayu sukat mitatakutan.

Ding Bilang 16:3

Misanmetung la laban kang Moises at kang Aaron. Ngarang sinabi, Moises, Aaron, sobra na ing pamaniaptan yu! Banal ya ing mabilug a balen at e ne lalakuan ning Ginu. Obat tatas yung matas ing sarili yu kesa king balen na ning Ginu?

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

1 Corinto 3:17

Inya nung siran ne ning ninuman ing templo na ning Dios, siran na ne man ning Dios ing minyira. Uling banal ya ing templo na ning Dios, at ikayu mismu ing templo na.

Deuteronomio 14:21

E ye malyaring kanan ing animal a kabud na mete. Ibie yu nia mu karing dayuan a makipanuknangan kekayu o kaya pisali ye karela ban mika pamangan la. E yu sana kakalinguan king tau kayung pinili na ning Ginung Dios. E ye lalaga ing biserung kambing king gatas na ning gaindu na.

Deuteronomio 26:19

at ya naman itas na kayung matas karing sablang bansa a lelang na ban purian ye ampon parangalan, at ban ikayu ing maging memalen nang banal, antimo ing asabi na na kekayu.

Deuteronomio 28:9

Nung pamintuan yu la ding kautusan na ning Ginung kekayung Dios at nung tuntun kayu king dalan na, ikayu mismu ing maging banal nang memalen, antimo ing matimid nang pengaku kekayu.

Deuteronomio 7:6

E yu kakalinguan king tau kayung pinili na ning Ginung kekayung Dios; pinili na kayu karing aliwang bansa ban maging bukud mung bandi na.

1 Tesalonica 5:27

Aduan ku king lagyu na ning Ginu king basan ye sa iting sulat karing sablang kapatad.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

Kapahayagan 1:6

at gewa na katamung kayarian ding pari ban sumuyu king Dios na at Ibpa. Kang Jesu-Cristo ing ligaya at upaya angga king kapilan pa man! Amen.

Kapahayagan 20:6

Mapalad la at banal ding miyabe king mumunang pangasubling mebie. Ala neng upaya karela ing kaduang kamatayan; maging pari na la ning Dios at ning Cristo at mag-ari lang kayabe na kilub ding libung banua.

Kapahayagan 5:10

Gewa mong metung a kayarian ding pari para sumuyu king kekatamung Dios, at ilang mag-ari king yatu.