Exodo 19:5 - Ing Mayap a Balita Biblia

⁵ Ngeni, nung makiramdam kayu kanaku at tupad king kanakung kasunduan, ikayu ing maging sarili kung balen. Kanaku ya ing mabilug a yatu, oneng ikayu mung bukud ding taung pinili ku,

Exodo 19:5 Iomraidhean Croise

Genesis 17:9

Ngana pa ning Dios kang Abraham, Tuparan me at ding maging lahi mu iting kasunduan.

1 Ari 8:53

Karing sablang tau, ika mismu ing memili karela ban maging bandi mu, antimo ing sinabi mu karela king kapamilatan nang Moises a talasuyu mu, O Ginung Dios, kanitang liwal mu la ding makatua mi king Ehipto.

1 Cronica 17:22

O Ginu, gewa mu lang sarili mung memalen ding Israelita king kapilan pa man, at ika naman ing meging Dios da.

Job 41:11

Alang makalaban a e numanu balang; ala metung man king mabilug a yatu.

Job 41:3

Aduan na kaya keka ing ibulus mia o maniawad ya kayang lunus keka?

Ding Dalit 135:4

Pinili ne i Jacob maging bandi na, ing balen ning Israel ban maging sarili nang bandi.

Ding Dalit 24:1

Ing sabla bandi ning Ginu, at ing sablang atyu king yatu. Bandi ne ing mabilug a yatu, at ding sablang keti manuknangan.

Ding Dalit 25:10

Ding sablang dalan ning Ginu katapatan la, at para kareta lang tutupad king kasunduan na at kautusan.

Exodo 15:26

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing Ginu, ing babie kapaldanan kekayu.

Exodo 23:22

Nung mamintu kayu king tubud kung anghel at daptan ing sablang utus ku, maging kalaban da ku ring kalaban yu.

Exodo 24:7

Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Exodo 34:9

Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 9:29

Nganang Moises, Kabud ikua kung mekalual king siudad, itas ku la ding gamat ku at manalangin ku king Ginu. Tuknang ing duldul at mawala na ing uran-lipat ban kanita abalu yu king bandi ne ning Ginu ing yatu.

Ing Malagung Diling Kanta 8:12

Matula ya i Solomon karing pilak a keyang tatanggapan, at ding ortelanu king aduang dalan a karelang pakinabang. Aku naman atin kung sariling mulahan!

Isaias 1:19

Nung bisa ka mu at mamintu kanaku, ibie ku keka ing mayap a bage bubunga na ning gabun.

Isaias 41:8

Oneng ika, Israel, a kakung talasuyu, ika ing balen a pinili ku, ing lahi nang Abraham a kakaluguran ku.

Isaias 43:1

Israel, ing Ginung keka linalang sasabian na, E ka tatakut; iligtas da ka. Inaus da ka king kekang lagyu; bandi ra ka.

Isaias 56:4

Sasabian na ning Ginu king taung anti kaniti, Nung gagalangan mu ku king kapamilatan na ning pamagmasusi mu king Aldo ning Sabbath at nung daraptan mu itang babie tula kanaku at tapat kang tutupad king kakung kasunduan,

Jeremias 10:16

E re kalupa ing Dios nang Jacob; ya ing linalang king sabla-sabla at pinili ne ing Israel ban maging sarili nang bansa. Ginung Mayupaya ing lagyu na.

Jeremias 13:11

Nung makananu yang matalik ing salol king awakan ning tau, makanyan ku namang pagnasan ing maging matalik la pangakalawat kanaku ding memalen na ning Israel at ning Juda. Depat ku iti ban ila ding maging taung kanakung pinili at magdalang kapurian at dangalan king kanakung lagyu. Oneng e la bisang memintu kanaku.

Jeremias 7:23

Oneng inutus ku lang mamintu kanaku ban aku ing maging karelang Dios at ila ding maging kanakung memalen. At sinabi ku karela king mibiebie la agpang king inutus ku karela ban ing sabla-sabla maging masalese para karela.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Levitico 20:24

Pengaku ku kekayu king ibie ke kekayu iting gabun a masanting at mataba ban maging bandi yu. Aku ing Ginung kekayung Dios at aku ing memili kekayu bilang memalen ku.

Amos 3:2

Ngana, Ikayu mung bukud ing pinili ku karing sablang bansa keti king yatu at pigmalasakitan. At iti pasari king beyatan na ning kekayung kasalanan, at iti ing sangkan ban sukat da kayung parusan karing kekayung kasalanan!

Amos 6:1

Makalunus ing mapalyari kekayung makusuelung mabibie king Zion, at ikayung panatag a bili king Samaria, ikayung marangal a tau na niting marangal a bansang Israel, ikayung lalapitan dang aduananan saup ding tau!

Malakias 3:17

Ila ding maging taung kanakung bandi, nganang sasabi ning Ginung Mayupaya. King aldo a kimut ku, maging ganap lang kanaku. Pakitanan ku lang lunus nung makananung ing metung a tata papakit yang lunus king anak nang lalaking susuyu kang tata na.

1 Corinto 10:26

Uling ing kasulatan sasabian na, Ing yatu at ing sablang atyu kaniti bandi na ning Ginu.

1 Corinto 10:28

Nung ating sumabi, Iti pamangan yang miyain karing idolo, e yu kakanan itang pamangan a ita, alang-alang ketang sinabi kekayu at para king ikatahimik na ning konsiensia na,

Deuteronomio 10:14

Bandi ne ning Ginu ing matas a banua, ing yatu, at ing heganaganang atyu kaniti.

Deuteronomio 11:27

Ing bendisyun, nung pamintuan yu la ding sablang kautusan na ning Ginung kekayung Dios a babanggitan ku ngeni kekayu.

Deuteronomio 14:2

Tau kayung banal king Ginung kekayung Dios. Pinili na kayu karing sablang tau ning yatu ban bukud mung maging bandi na.

Deuteronomio 14:21

E ye malyaring kanan ing animal a kabud na mete. Ibie yu nia mu karing dayuan a makipanuknangan kekayu o kaya pisali ye karela ban mika pamangan la. E yu sana kakalinguan king tau kayung pinili na ning Ginung Dios. E ye lalaga ing biserung kambing king gatas na ning gaindu na.

Deuteronomio 26:18

At sinabi na naman ning Ginu ngening aldong iti king ikayu ding taung bukud nang bandi, antimo ing pengaku na kekayu. Inya sukat yu lang pamintuan ding sablang kautusan na

Deuteronomio 26:19

at ya naman itas na kayung matas karing sablang bansa a lelang na ban purian ye ampon parangalan, at ban ikayu ing maging memalen nang banal, antimo ing asabi na na kekayu.

Deuteronomio 28:1

Nung pakiramdaman yung mitmung kaingatan ing siwala na ning Ginu kekayung Dios at mamintung mitmung katapatan karing kautusan na a sasabian ku ngeni kekayu, kanita itas na kayung matas kesa karing aliwang bansa na ning yatu.

Deuteronomio 28:9

Nung pamintuan yu la ding kautusan na ning Ginung kekayung Dios at nung tuntun kayu king dalan na, ikayu mismu ing maging banal nang memalen, antimo ing matimid nang pengaku kekayu.

Deuteronomio 4:20

Gewa na kayung malaya ngeni ning Ginu king pangayalipan yu karin king Ehipto, itang mikakalukung ornu, ban maging memalen na.

Deuteronomio 5:2

Karin king Bunduk ning Horeb ginawa yang kasunduan kekatamu ing Ginung kekatamung Dios; ... ginawa yang kasunduan kekatamu ing Ginung kekatamung Dios.(5:2)

Deuteronomio 7:6

E yu kakalinguan king tau kayung pinili na ning Ginung kekayung Dios; pinili na kayu karing aliwang bansa ban maging bukud mung bandi na.

Deuteronomio 9:29

Maygit king sabla, bandi mu la at pinili deting tau at liwal mu la king Ehipto king kapamilatan na ning kekang upaya at makapagmulalang dapat.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 11:8

Uli na ning kasalpantayanan nang Abraham, pemintuan na itang aus na ning Dios keya. Minta ya king balen a pengaku nang ibie ning Dios keya. Likuan ne ing sarili nang balen agyamang e na balu itang pupuntalan na.

Hebreo 8:9

E ne maging kalupa na nitang kasunduan a tinatag ku karing karelang makatua, kanitang tinaid ku lang leko ibat Ehipto. E la menatiling tapat king kasunduan a tinatag kung kayabe ra, inya pepaburen ku la, ngana ning Ginu.

Josue 24:24

Ngara kang Josue ding memalen, Suyuan mi ya ing Ginu, ing kekaming Dios. Pamintuan mi la ding utus na.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

1 Samuel 15:22

Nganang Samuel, Isanu wari ing babie tula king Ginu: ding ain at animal a durulukan o ing tupad king kautusan na? Mas mayap ing pamintuan ya kesa king miyain metung a animal; mas mayap ing pakiramdaman ya kesa king taba ding tupang sasakripisyu ra.