Exodo 19:16 - Ing Mayap a Balita Biblia

¹⁶ Kanitang abak ning katlung aldo menuldul at mengildap, at linto ya ing makapal a biga king bunduk. Meramdam ya ing matning tiup na ning trumpeta! Ginalgal la king takut ding sablang tau king kampu.

Exodo 19:16 Iomraidhean Croise

2 Samuel 22:10

Pepadukuan ne ing banua at saka ya tinipa, king makapal a ulap karin la makatuklu ding bitis na.

2 Cronica 5:14

Inya e ra agampanan ding pari ing karelang katungkulan uling mengatmu ya ing Templo ning Dios king ligaya na ning pangayatyu na.

Job 38:25

Ninu ing kinulkul king paliging dalanan na ning mananabung uran, at ing minie dalanan king kildap abe ning duldul?

Ding Dalit 50:3

Daratang ya ing kekatamung Dios, oneng e king katahimikan; makauna ya ing aping milalablab, at ing masikan a bagyu ya ing makapadurut king Dios.

Ding Dalit 77:18

Ing kekang duldul memaksing king banua; ing kekang kildap mabilug a yatu inaslagan na; ing yatu kinurug at ginalgal ya.

Ding Dalit 81:8

Makiramdam ka, balen ku, kening kakung babala, O Israel, sana kaku makiramdam ka.

Ding Dalit 97:4

Ing kildap na pasalan neng yatu; ing yatu gagalgal ya panakit na.

Exodo 19:11

at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 19:15

Ngana pang Moises karing Israelita, Magsadia kayu king aldo makadua, at e kayu pa sisiping king ninumang babai.

Exodo 19:17

Penimunan na lang linual Moises king kampu ding tau ban makikit king Dios. Tinuknang la king angganan na ning bunduk.

Exodo 19:9

Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 20:18

Ginalgal la king takut inyang dimdam da ring tau ing duldul, ing tiup na ning trumpeta, at ikit ing kildap ampon ing bunduk a mamasuk, at linaut la king bunduk.

Exodo 20:21

Menatili lang makatalakad king marayu ding tau at bukud mung i Moises ya ing linapit king makapal a biga nung nu ya atyu ing Dios.

Exodo 40:34

Kaybat na nita, tikpan ne ning biga ing Tolda at mikatmuan ya king makasilo nang aslag ning panga-atyu na ning Ginu.

Exodo 9:23

Inya tinas neng Moises ing tukud na, at

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Nahum 1:3

E nia kabud mimimua ing Ginu agyamang mayupaya ya, at e na paintulut ing e la magdusa ding mikasala. Lalto ing bagyu nung nu ya lalakad ing Ginu, ding biga alikabuk da la ring bitis na!

Mateo 24:31

Maramdam ya ing matning trumpeta at itubud na la ding anghel na karing apat nang suluk ning yatu; tipunan da la ring taung pinili na ibat king mabilug a yatu.

Deuteronomio 5:5

kabang makatalakad ku kanita king pilatan yu at ning Ginu ban sabian kekayu itang sinabi na uli na ning tatakut kayu king api at e kayu malyaring mukiat king bunduk. Nganang sinabi ning Ginu,

Hebreo 12:21

Tune makapangilabut itang karelang ikit, inya pati na i Moises asabi na, Gagalgal ku king takut!

Kapahayagan 1:10

Aldo ning Ginu kanita inyang liban na ku ning Espiritu at kagulutan ku dimdam ke ing masikan a siwalang balamu trumpeta.

Kapahayagan 11:19

Kanita mibuklat ya ing Templo ning Dios karin banua at ikit ke ing Kaban ning Kasunduan na. Sinalisi ing kildap, duldul, ing masikan a alingongo, ing ayun, at minuran dakal a yelu.

Kapahayagan 4:1

Kaybat na nita, aliwa ne mang bage ing ikit ku. Ikit ke karin banua ing metung a makabuklat a pasbul. At pasibayu keng dimdam ing siwala a kalupa na ning trumpeta. Ngana, Manik ka keni at ipakit ku la keka ding bage mapalyari king daratang a panaun.

Kapahayagan 4:5

Lulual king tronu ing kildap, ing alingongo, at ing duldul. Ating pitung milalablab a sulu arap ning tronu; ila deti ring pitu nang espiritu ning Dios.

Kapahayagan 8:5

Kaybat na nita, kinua ne ning anghel ing insensaryu, at kitmuan neng aping ibat king altar, at inatsa ne king yatu. At sinalisi ing duldul, inge, kildap, at ayun.