Exodo 19:13 - Ing Mayap a Balita Biblia

¹³ sukat yang basibasan batu o kaya panaan; ala sanang tatagkil king bunduk, tau ya man o animal sukat yang mate. Kabud tiniup yang makaba ing trumpeta sukat na lang mukiat ding tau king bunduk.

Exodo 19:13 Iomraidhean Croise

Exodo 19:14

Kaybat na nita, kinuldas ya i Moises king bunduk, at sinabi na karing tau king magsadia na la para king pamanyamba. Inya pinipi ra ing imalan da.

Exodo 19:16

Kanitang abak ning katlung aldo menuldul at mengildap, at linto ya ing makapal a biga king bunduk. Meramdam ya ing matning tiup na ning trumpeta! Ginalgal la king takut ding sablang tau king kampu.

Exodo 19:17

Penimunan na lang linual Moises king kampu ding tau ban makikit king Dios. Tinuknang la king angganan na ning bunduk.

Exodo 19:19

Mesikan neng mesikan ing tiup na ning trumpeta. Migsalita ya i Moises, at pekibatan ne ning Dios king kapamilatan ning duldul!

Exodo 34:3

Ala kang tutuki; e ya sukat mayakit ing ninuman karin king bunduk; ala kang paburen a tupa o baka a manyibsiban king lele na ning bunduk.

1 Corinto 15:52

king saguli mung penandit, at king tiup ning katataulian a trumpeta. Kabud tumiup ya ing trumpeta, subli lang mie ding mete at e na la mate kapilan man at itamu ngan manaliwa tamu.

1 Tesalonica 4:16

Kuldas yang ibat banua ing Ginu kayagnan na ning kulait a mumutus; ing bosis ning arkanghel at tiup na ning trumpeta ning Dios. Muna na lang pasublian mie ding mete a ating kasalpantayanan kang Cristo.

Hebreo 12:20

uling e ra agyung kargahan ing kautusan a ngana, Ninuman ing tuklu king bunduk, agyang metung yang animal, basibasan ya angga king mate ya.

Ukum 20:37

At bigla lang linage deting makapanaya at leganapan de ing siudad, at pete da la ngan ding atyu karin.