Exodo 19:11 - Ing Mayap a Balita Biblia

¹¹ at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 19:11 Iomraidhean Croise

Genesis 11:5

Tinipa ya ing Ginu ban lawan ne ing siudad at ing toreng telakad da ring tau.

Nehemias 9:13

Ibat banua king Bunduk ning Sinai karin ka minta; karing kekang memalen migsalita ka, at ding mayap mung tuntunan at kautusan karela binie mu la.

Ding Dalit 144:5

O Ginu, ibuklat me ing banua at kuldas ka; tagkilan mu lang bunduk at masuk la.

Ding Dalit 18:9

Pininpin ne ing banua at saka ya tinipa, king makapal a ulap karin la makatuklu ding bitis na.

Exodo 19:16

Kanitang abak ning katlung aldo menuldul at mengildap, at linto ya ing makapal a biga king bunduk. Meramdam ya ing matning tiup na ning trumpeta! Ginalgal la king takut ding sablang tau king kampu.

Exodo 19:18

Mitakpan ya king asuk ing kabilugan a Bunduk ning Sinai, uling kinuldas ya karin ing Ginu libutad na ning api. Minta babo ing asuk kalupa na ning asuk ning metung a ornu, at ginalgal lang e mu nanu ding tau.

Exodo 19:20

Tinipa ya ing Ginu babo na ning Bunduk ning Sinai, at inaus ne i Moises ban mukiat king taluktuk na ning bunduk. Minukiat ya i Moises

Exodo 24:16

Migdatun king babo ning bunduk ing makasilo nang aslag ning panga-atyu ning Ginu. Anam yang aldo makatakap king biga. King kapitung aldo, ibat king makapal a biga, inaus ne ning Ginu i Moises.

Exodo 24:17

Ikit da naman ding Israelita ing makasilo nang aslag ning panga-atyu ning Ginu a balamu aping e matatda babo ning bunduk.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 34:2

Magsadia ka bukas abak at mukiat ka king Bunduk ning Sinai ban makikit kanaku karin king taluktuk na.

Exodo 34:5

Tinipa ya ing Ginu king biga at tinalakad ya siping nang Moises at sinabi ne ing lagyu na: Ginu.

Ding Bilang 11:17

Tipa ku at makipagsalita ku keka karin. Kuma ku king espiritung binie ku keka at ibie ku karela ban e ka magdili-diling magobra.

Juan 3:13

Ala pang miyukiat king banua subali mu ing Anak ning Tau a tinipang ibat banua.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Deuteronomio 33:2

Pepakit ya ing Ginu karin king Bunduk ning Sinai, at dinatang ya kekatamu king Seir; pepakit na ing sarili na karin king Bunduk ning Paran, kayabe na la ding libu-libung anghel, at aping milalablab king wanan nang gamat.

Deuteronomio 4:10

itang milyari inyang tinalakad kayu arapan na ning Ginung kekayung Dios karin king Bunduk ning Sinai, kanitang ing Ginu sinabi na kanaku, Tipunan mu la king arapan ku ding memalen ning Israel ban damdaman da la ring utus ku at mika takut la't kagalangan kanaku kabang bie ra. At ituru da la naman karing anak da.

Josue 3:5

Nganang Josue karing memalen, Isadia yu ing sarili yu uling bukas gawa yang bage pagmumulalan ing Ginu libutad yu.