Exodo 19:10 - Ing Mayap a Balita Biblia

¹⁰ at ngana ning Ginu, Moises, puntalan mu la ding tau at sabian mu karela king gamitan de ing aldong iti ampon ing bukas king pamagsadia para king pamanyamba. Sukat dang pipian ing imalan da,

Exodo 19:10 Iomraidhean Croise

Genesis 35:2

Inya nganang Jacob karing katubale na at karing kayabe na, Iyugse yu na la ring kikilalanan yung dios a atyu keti kayabe yu. Linisan yu ing sarili yu at miblas kayu.

2 Samuel 19:24

Sinagana ya naman kang Aring David i Mefiboset a apu nang Saul. Manibat na inyang meko ya ing ari angga na ngening mekapagbalik yang ligtas, e ya menos bitis o memalbas o menaliling piblas i Mefiboset.

2 Cronica 29:34

Oneng ditak la mu ding paring maglako king balat da ring animal, inya sinaup la ding Levita anggang ayari da la at mirinan panaun ding pari ban makapaglinis la, agpang king aduan na ning kautusan. Mas masigasig la ding Levita king pamaglinis kesa karing pari.

2 Cronica 29:5

Ngana karela, Makiramdam kayu kanaku, ikayung Levita. Italaga yu ngeni ing sarili yu at ing Templo ning Ginu, ing Dios da ring makatua yu. Ilako yu ing nanumang bage marinat king Templo.

Job 1:5

Itang abak a kayari ning karelang anda, maranun yang mibangun i Job at miyain yang ain-sakripisyu para karing balang metung karing anak na; pota ating karelang mikasala king e na sasarian at mekalapastangan ya king Dios.

Levitico 11:25

Ing ninumang talan kareting mebanggit a lelangan ibilang yang e malinis angga itang kabengian, at kailangan ing pipian na ing imalan a susulud na.

Levitico 15:5

Sukat nang pipian ing susulud nang imalan ning ninumang makatagkil king pagkeran na, at saka ya mandilu, at ituring yang e malinis angga king kabengian.

Ding Bilang 11:18

At sabian mu karing Israelita ing magsadia la uling bukas makapangan na lang karni. Sabian mu karela king aku, ing Ginu, dimdam ku ing karelang reklamu at ing kapagnasan dang makapangan karni antimo inyang atyu la king Ehipto. Dinan ku lang karni at makapangan na la.

Ding Bilang 19:19

At pisikan ne ning taung tuturing nang malinis ning kautusan ing mituring a e malinis king katlung aldo at king kapitung aldo. Sukat nang pipian ning taung e malinis ing imalan na at mandilu ya. At malinis ne pangayalbug ning aldo.

Ding Bilang 31:24

Pipian yu ing imalan yu king kapitung aldo at luminis kayu agpang king aduan ning kautusan. At malyari na kayu kanitang lungub king kampu.

Ding Bilang 8:21

Ding mismung Levita ilang miglinis king karelang pangatau at pinipi ra ing karelang imalan. Kaybat na nita, telaga na lang Aaron bilang ain a makapasubali king Ginu at depatan na ing kasuyuan pamisut ban luminis la.

Ding Bilang 8:7

Anti kaniti ing daptan mu king pamaglinis karela: pisikan mu la king danum a panlinis, labahasan ya ing mabilug dang katawan, at papipi mu karela ing imalan da.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

Josue 3:5

Nganang Josue karing memalen, Isadia yu ing sarili yu uling bukas gawa yang bage pagmumulalan ing Ginu libutad yu.

Josue 7:13

Talakad ka! Papagsadian me ing balen at maglinis ban marap kanaku. Sabian mu karela king magsadia la bukas uling aku, ing Ginu, ing Dios ning Israel, kailangan kung sabian ini: Israel, atyu libutad mu ing bage a inutus kung pasira keka! E mu la ayarapan ding kalaban anggang e mu la ilako libutad mu deting bage!

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.

1 Samuel 16:5

Nganang mekibat, Dinatang ku ban iyain ke ing ain-sakripisyu king Ginu; magsadia kayu at miyabe-abe tamung miyain ain-sakripisyu. Inutus na naman kang Jese at karing anak na ing magsadia la ban makapakiabe la king pamiyain king ain-sakripisyu.