Exodo 18:8 - Ing Mayap a Balita Biblia

⁸ Sinabi nang Moises kang Jetro ing sablang depatan na ning Ginu king ari, at karing memalen na ning Ehipto ban iligtas na la ring Israelita. Belita na naman ing kasakitan a pekiarapan da kabang dalan at nung makananu na lang linigtas ning Ginu.

Exodo 18:8 Iomraidhean Croise

Genesis 44:34

Makananu kung magbalik kang tata ku nung e ke kayabe ing wali ku? Tatakut ku pota ating e mayap a malyari kang tata ku!

Nehemias 9:32

Inya, ika, ing kekeng Dios, Dios kang marangal, mayupaya ka, at makapangilabut; tapat tutupad king kekang pangaku. E mu sana lalawan mayan ing digpang kasakitan karing kekeng ari, manimuna, pari, at propeta; karing kekeng makatua, at karing sablang kekang memalen memagkasakit la uli ning pamaniakup da ring ari ning Asiria.

Ding Dalit 106:10

Linigtas na la karing gamat ding menalipan karela; linigtas na la king puersa da ring kalaban da.

Ding Dalit 106:8

Makanyan man keka lang segipan antimo ing kekang pengaku, ban kekang ipabalu ing upaya ning kekang lagyu.

Ding Dalit 107:2

Bustan yung ding linigtas na ing Ginu ya ing purian da, detang kinabus na karing kalaban da,

Ding Dalit 66:16

Ikong sablang ating takut king Dios, 'me ko keni at makiramdam kayu. Ibalita ku kekayu ing sablang depat na kaku.

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Exodo 15:16

Ing takut at galgal karela ngan digpa. O Ginu, kekang sikanan ikit da, at e la makakimut king takut da; anggang ing balen mu e ra ikuang linabas king arapan da balen a kinabus mu king panga-ipus na.

Exodo 15:6

Ing gamat mung wanan, O Ginu, makasdan ing upaya na, sablang kalaban panaspakan na la.

Exodo 16:3

Ngara karela, Mayap pang gisan na na keng pete ning Ginu karin king Ehipto. Karin makalukluk kami at makapangan karni at aliwa pang pamangan anggang bisa kami. Oneng ikayu dela yu kami keti king libutad na ning disyerto ban paten yu kami mu palang danup.

Exodo 18:1

Abalitan nang Jetro, ing pari ning Midian at katuangan nang Moises, ing sablang depatan na ning Dios para kang Moises at karing memalen na ning Israel kanitang liwal na la king Ehipto.

Exodo 2:25

Ikit ning Dios ing kabilian da ring Israelita, at melunus ya karela.

Exodo 23:23

Muna ya kekayu ing kanakung anghel, at idala na kayu king gabun da ring Amoreo, Hiteo, Perezeo, Cananeo, Heveo, at Jebuseo a pawa kung paglipulan.

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Exodo 7:5

Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Ding Bilang 20:14

Manibat Kades, peparala yang tubud i Moises ban makikit king ari na ning Edom at sabian da ing anti kaniti: Iti ing pasabi da ring kamaganak mung Israelita. E makalingad keka ing sablang kasakitan a delanan mi.