Exodo 18:7 - Ing Mayap a Balita Biblia

⁷ Linual ya king tolda i Moises ban saganan na la; dinuku ya king arapan na at saka ne inuma i Jetro. Mipangomusta la tungkul king bie ra, at kaybat melaus la kilub na ning tolda nang Moises.

Exodo 18:7 Iomraidhean Croise

Genesis 14:17

Kabalik nang Abram king matagumpe nang pamakilaban kang Kedorlaumer at ding aring kakampi na, seganan ne ning ari na ning Sodoma karin king Kapatagan ning Save a mayayaus munamang Ing Kapatagan ning Ari.

Genesis 18:2

Tinalanga ya at ikit na la ding atlung lalaking makatalakad arapan na. Panakit na karela, milayi ya ibat king pasbul na ning tolda na ba na lang saganan. Dinuku ya angga king gabun at kaybat sinabi na,

Genesis 19:1

Bengi na inyang miras la Sodoma ding aduang anghel; makalukluk ya kanita i Lot king lele na ning pasbul dalan ning siudad ning Sodoma. Tinalakad ya i Lot panakit na karela at seganan na la at migsakab ya king gabun.

Genesis 29:13

Inyang miras ing balita kang Laban tungkul kang Jacob a anak na ning kapatad na, memalagua yang sinagana. Kaybat kinaul ne at inuma at tiki ne bale na. Kanita kinwentu nang Jacob kang Laban ing sablang milyari.

Genesis 31:28

E mu man peintulut ing auma ku la ding apu ku at anak. E ustu ing gewa mu!

Genesis 43:26

Inyang dinatang ya i Jose, dela ra arap na ing daralan dang regalu at saka la dinuku arap na angga king gabun.

Genesis 45:15

Pengaul na la at penuma ding kapatad na kabang ala yang patugut manangis. Kaybat na nita, pekisabian de ring kapatad na.

Genesis 46:29

Pepasadia neng Jose ing saken na at seganan ne i Jacob a tata na karin Gosen. Pepakilala ya keya; kinaul ne i tata na at saka ya menangis malambat king tula na.

2 Samuel 11:7

Karas nang Uria kitang nang David ing kabilian nang Joab at ding sundalus a makilaban.

1 Ari 2:19

Inya pintalan neng Batseba i Aring Solomon ban ipayabut na ing kayaduanan nang Adoniya. Inyang ikit neng Solomon i Batseba tinalakad ya at selubungan ne. Dinuku ya kang ima na at linukluk yang pasibayu king tronu na. Kaybat pepakua yang luklukan; binili re banda nang wanan at karin ne pepaluklukan i ima na.

Exodo 18:6

Peparala yang amanu i Jetro kang Moises king daratang la.

Exodo 33:7

Meging ugali nang Moises ing italakad ne ing Toldang tuknangan ning Ginu marayung bagya king kampu. Pemalagyuan ne iting Ing Toldang tuknangan ning Ginu. Ninuman ing ating buring isangguni king Ginu pupunta ya keting lugal a atyu lual na ning kampu.

Exodo 4:27

Ngana ning Ginu kang Aaron, Munta ka karin king disyerto at saganan me i Moises. Memintu ya i Aaron at minta ya king bunduk ning Dios. Disnan ne i Moises karin at saka ne inuma.

Ding Bilang 22:36

Inyang abalitan nang Balak ing paniatang nang Balaam, seganan ne karin king Ar, ing siudad lele na ning Ilug ning Arnon a angganan ning Moab.

Lucas 7:45

E mu ku selubungan inuma, oneng ya e na la tiknangan penuma ding bitis ku kabud dinatang ku.

Ding Dapat 20:37

Kikiak la ngan; kinaul de at penuma kabang mamun ya karela.

Ding Dapat 28:15

Abalitan da kami ding talasalpantaya karin Roma at miparas la angga king Palengki na ning Apio at king lugal a ausan dang Tres Tavernas ban salubung kekami. Kabud ikit na lang Pablo, pepasalamat ya king Dios at mirinan yang tetagan a lub; mesaya ya.

Ukum 11:34

Inyang miras ne i Jefta king pibalebale na karin Mizpa, ing linual sinalubung ya ing anak nang babai; maki pandereta ya at teterak yang sinalubung. Ya mu ing kabubugtungan nang anak.

1 Samuel 17:18

Dalan mu la naman deting apulung kesu at ibie mu la king pekapun da. Komustan mu la ding kapatad mu at saka mu ku pagdalang nanumang bage ibat karela.

1 Samuel 17:22

Penibala nang David ing darala na king mamahala king karga at saka ya milayi papunta karing sundalus ning Israel, at kinomusta na la ding kapatad na.