Exodo 18:4 - Ing Mayap a Balita Biblia

⁴ Asabi na naman, Seupan na ku ning Dios nang tata ku, at linigtas king espada na ning ari ning Ehipto. Makanyan neng pemalagyuan Eliezer ing kadua nang anak.)

Exodo 18:4 Iomraidhean Croise

Genesis 49:25

Dios ning kekang tata, datang ya sa ban sumaup keka, bendisyunan na ka sa ning Dios a Mayupaya karing bendisyun a ibat king matas a banua, bendisyun a ibat king kalalalaman, bendisyun a ibat karing salu at sepupunan.

1 Cronica 23:15

Atin yang aduang anak i Moises; ila di Gersom at Eliezer.

1 Cronica 23:17

Metung ya mu ing anak nang Eliezer; i Rehabia, oneng dakal ya lahi i Rehabia.

Ding Dalit 18:1

Kaluguran da ka, O Ginu, ika ing kaku mag-dipensa.

Ding Dalit 18:48

Liligtas na ku karing kakung kalaban; karing kalaban pepagtagumpian na ku, segipan na ku karing mabagsik a tau.

Ding Dalit 34:4

Menalangin ku king Ginu, at pekibatan na ku; karing sablang kakung takut linigtas na ku.

Ding Dalit 46:1

Ing Dios ya ing salilungan tamu at sikanan, makasadia yang sumaup king oras ning kaligaligan.

Exodo 10:28

Ngana kang Moises, Mabating ka keng arapan ku! E ra na ka buring akit pang pasibayu. Paten da ka kabud akit da ka!

Exodo 2:15

Inyang abalitan na ning ari iting mepalyari buri neng ipapate i Moises. Oneng mekatakas ya at miras king Midian at karin ya menuknangan.

Exodo 2:22

Mikayanak lang metung a lalaki. At nganang Moises king lub na, Metung ku mung dayuan a miras keti. Inya pemalagyuan neng Gersom ing anak na.

Exodo 4:20

Inya tiki neng Moises ing asawa na at ding anak nang lalaki. Seke na la king asno at meko na lang papunta Ehipto; pidala-dala ne itang tukud-pastul a inutus ning Dios a idala na.

Daniel 6:22

Makamal a Ari, tinubud ne ning Dios ing anghel na at sera na la asbuk ding leon ban e ra ku ananu balang. Gewa na iti uling balu na king ala kung kasalanan at uling e ku ginawang kalapastangan kekayu.

Ding Dapat 12:11

Kanita na apibulebule Pedro ing milyari keya at ngana, Ngeni ku asisiguradu king iti tutu pin! Tinubud ne ning Ginu ing anghel na, at linigtas na ku king gamat nang Herodes at king sablang bage tatangka rang daptan ding memalen Judio.

Ding Dapat 7:29

Inyang dimdam nang Moises iti meko ya Ehipto, at menuknangan ya king sakup ning Midian. Karin mikayanak yang aduang lalaki.

2 Timoteo 4:17

Oneng inantabayanan na ku at dininan sikanan ning Ginu ban apanaral kung ganap ing amanu na ning Dios karing paganu; miligtas ku king asbuk na ning leon.

Hebreo 11:34

apatda ra ing mangaragul a silab, at miligtas la king espada king oras ning pamakilaban. Tau lang maina, oneng tinanggap lang sikanan; meging masikan la king arap ning labanan, at simbut da la at apaurungan ding sundalus da ring dayuan.

Hebreo 13:6

Inya malyari tamung asabing mitmung kapanaligan, Ing Ginu ya ing sasaup kaku, ala kung pitatakutan! Nanu mo ing arapat ning tau kaku?