Exodo 18:16 - Ing Mayap a Balita Biblia

¹⁶ Potang ating adua kataung mika pisasabian, pupunta la kanaku at aku ing mamatul nung ninu karelang adua ing atyu king matulid, at ipalino ku la karela ding utus na ning Dios at ing kaburian na.

Exodo 18:16 Iomraidhean Croise

2 Samuel 15:3

sabian nang Absalom karela: Atin kang matulid makikit king ari, oneng ala yang pekakatawan ing ari ban lingun king lakad yu.

2 Cronica 19:10

Ituru yu la ding kapatad yung manibatan karing karelang siudad king sukat nang daptan ning ninumang misasampang dalum laban king mekamate tau o linabag king kautusan at karing tuntunan ban e la mikasala king Ginu. Nung e yu daptan, datang kekayu at karing kapatad yu ing mua na ning Ginu. Oneng e kayu mikasala nung tuparan yu ing katungkulan yu.

Job 31:13

Pakiramdaman ku at dirinan kalutasan ing saingsing ding alipan kung kaku daratang.

Exodo 18:17

Nganang Jetro, Moises, e ka tutud keng daraptan mung yan!

Exodo 2:13

Kabukasan migbalik ya i Moises at ikit na lang mipapate ding aduang Hebreo. Nganang Moises king maki kasalanan, Obat bubuatanan meng gamat ing kalupa mung Hebreo?

Exodo 23:7

E kayu gagawang maling paratang ni paburen miyatulan kamatayan ing taung alang kasalanan. Parusan ke ing ninumang darapat king anti kaniting e ustung dapat.

Exodo 24:14

Nganang minie bilin karing manimunang makatua, Panayan yu kami keti king kampu anggang e ke magbalik. Kayabe yeng malakuan keti i Aaron at i Hur; ninuman ing mika problema kekayu, karela kayu lumapit.

Levitico 24:15

Sabian mu karing memalen na ning Israel king mikasala ya ing ninumang managkas at lapastangan king Dios.

Ding Bilang 15:35

Kanita ngana ning Ginu kang Moises, Sukat yang paten iting tau. Ilual ya king kampu at karin de basibasan batu ding memalen angga king mate ya.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

1 Corinto 6:1

Nung atin yang reklamu ing metung kekayu king kapatad na king iglesia, munta ya wari karing hues a paganu lugal king munta ya karing pinili na ning Dios?

Deuteronomio 4:5

Tiru ku la ngan kekayu ding sablang kautusan at tuntunan nung makananu na lang sinabi kanaku ning Ginung kanakung Dios. Tuparan yu la sana king gabun a luban yu ban bandian.

Deuteronomio 5:1

Inaus na la ngan at tinipun Moises ding sablang memalen ning Israel at ngana karela, Memalen ning Israel, pakiramdaman yu la ding kautusan at tuntunan a sabian ku ngeni kekayu. Paki-intindian yu la at tuparan.

Deuteronomio 6:1

Ila deti ring sablang kautusan at tuntunan a binie na kanaku ning Ginung kekayung Dios ban ituru kekayu at tuparan king gabun a sakupan yu.

1 Samuel 12:23

Nung aku naman ing kutnan yu, e na sana paintulut ning Ginu ing mikasala ku at tuknang manalangin para kekayu; isundu ku ing pamanuru kekayu king mayap at matulid.