Exodo 18:12 - Ing Mayap a Balita Biblia

¹² Migdala ya kanita i Jetro metung a ain-a-durulukan mabilug at aliwa pang ain ban iyain king Dios. Tinuki ya i Aaron at ding sablang manimuna na ning Israel ban makisulu ketang banal a pamisulusulu bilang metung a dake na ning kapanyamban.

Exodo 18:12 Iomraidhean Croise

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 26:25

Ginawa yang altar karin i Isaac at minaus ya king lagyu na ning Ginu king pamanalangin na. Mitalakad ya namang tolda karin at kinulkul lang talaga ding ipus na.

Genesis 26:30

Pigtau na lang Isaac; mengan la at minum.

Genesis 31:54

Kaybat na nita miyampang yang metung a ain i Jacob karin king bunduk, at inagkat na lang makisulu ding kamaganak na. Kayari dang mengan, pepalabasan de ing bengi karin.

Genesis 4:4

I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain.

Genesis 43:25

Kaybat, sidia da ring mikakapatad ing babie rang regalu kang Jose, uling balu rang akasulu deng maugtu.

Genesis 8:20

Kaybat na nita, mitalakad yang altar i Noe para king Ginu. Kinangwa yang tunggal-tunggal karing animal ampon ayup a malinis, at kaybat inain na la at dilukan babo na ning altar.

2 Samuel 9:7

E ka tatakut, nganang David. Maging maganaka ku keka alang-alang kang Jonatan a tata mu. Ibalik ku keka ing sablang gabun nang Saul a ingkung mu at king bale ku karin na ka parating mamangan.

2 Cronica 30:22

Pinuri na lang Aring Hezekia ding Levita uli na ning maayus dang pamanimuna king pamanyamba king Ginu. Kaybat da ring pitung aldong pamagselebra at pamiyain ain ampon pamagkantang kapasalamatan king Ginu, ing Dios da ring karelang makatua,

Job 1:5

Itang abak a kayari ning karelang anda, maranun yang mibangun i Job at miyain yang ain-sakripisyu para karing balang metung karing anak na; pota ating karelang mikasala king e na sasarian at mekalapastangan ya king Dios.

Job 42:11

Dinalo de ring kapatad nang lalaki at babai at ding sadia nang kakaluguran, at migpiesta lang kayabe na king pibalebale na. Pisiag da ing pamakirame ra kang Job at inaru de karing kasakitan a pepagpa na ning Ginu. Minie yang ditak a salapi at gintung singsing ing balang metung karela.

Job 42:8

Ngeni, magdala kayung pitung baka at pitung tupang lalaki kang Job, at iyain yu lang ain-sakripisyu para karing sarili yu. Ipanalangin na kayung Job at tanggapan ku ing panalangin na at e ku gawan kekayu itang mangaintulid kekayu. E kayu migsalita king katutuan tungkul kanaku a antimo ing gewa nang Job.

Exodo 18:13

Itang kabukasan, linukluk ya i Moises ban lutasan ing pisasabian a linto king pamiyutus da ring tau; samal ya manibat king abak angga na itang bengi.

Exodo 2:16

Atin yang pitung anak a babai i Jetro, ing pari ning Midian. Misan a aldo, makalukluk ya i Moises king lele ning talaga; dinatang la deting mikakapatad ban saklung danum para karing tupa at kambing nang tata ra.

Exodo 2:20

Antayu ing taung yan? nganang tata ra. Obat likuan yu nia mu kabud karin? Puntalan ye at agkatan makipangan kekatamu.

Exodo 20:24

Igawa yu kung altar a gabun at babo na niti iyain yu la kanaku bilang ain ding tupa yu ampon baka. Iyain yu la bilang ain-a-durulukan at ain-a-pisulusuluan. Datangan da kayu, at bendisyunan king balang lugal a ituldu ku para king pamanyamba yu kanaku.

Exodo 24:11

Oneng e na la ninanan balang ning Dios deting lalaking peka manimunang makatua na ning Israel. Kaybat deng ikit ing Dios, mengan la at minum karin.

Exodo 24:5

Kaybat mitubud yang mapilan a kayanakan a lalaki ban duluk karing ain para king Ginu at miyain mapilan a baka bilang ain-sakripisyung-pisulusuluan.

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Exodo 33:7

Meging ugali nang Moises ing italakad ne ing Toldang tuknangan ning Ginu marayung bagya king kampu. Pemalagyuan ne iting Ing Toldang tuknangan ning Ginu. Ninuman ing ating buring isangguni king Ginu pupunta ya keting lugal a atyu lual na ning kampu.

Daniel 10:3

E ku mengan nanumang masustansiang pamangan o nanumang karni; e ku bitasang minum alak o minyukle mang buak anggang e la mepupus ding atlung dominggu.

Ding Bilang 10:29

Nganang migsalitang Moises kang Hobab, ing bayo na, Makasadia na kaming maglakbe papunta ketang lugal a pengaku nang ibie kekami ning Ginu. Tuki na ka kekami at e ra ka paburen uling masanting karin.

Lucas 14:1

Misan a Aldo ning Sabbath, mekumbira yang makipangan i Jesus king bale na ning metung a pamuntuk da ring Pariseo, at pegumasdan deng masalese ding tau.

Lucas 14:15

Dimdam na iti ning metung karing kasulu nang mamangan, at ngana kang Jesus, Kasuerti da ring miyabe-abe king pamangan king Kayarian ning Dios!

1 Corinto 10:18

Lawan yu la ding memalen ning Israel: detang mamangan ketang miyain a sakripisyu darake la king altar ning kasuyuan king Dios.

1 Corinto 10:21

E kayu malyaring minum king kopa na ning Ginu at king kopa da ring demonyu; e kayu malyaring makiabe king lamesa na ning Ginu at king lamesa da ring demonyu.

1 Corinto 10:31

Inya nanuman ing daraptan yu, mamangan kayu man o miminum, daptan yu ngan king ikaligaya na ning Dios.

Deuteronomio 12:7

Ketang lugal mu ring ita karin kayu miyabe-abe mangan arapan ning Ginung kekayung Dios bilang kapurian at kapasalamatan king bendisyun a binie na kekayu at karing pamilya yu.

Deuteronomio 27:7

Karin yu la naman paten at iyain ding ain-ning-pamisulusulu at karin yu la kanan miyabe-abe. Magpasalamat kayu arapan na ning Ginung kekayung Dios.