Exodo 18:11 - Ing Mayap a Balita Biblia

¹¹ Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Exodo 18:11 Iomraidhean Croise

1 Ari 17:24

Ngana ning babai kang Elias, Ngeni ku apatunayan king ika tune na kang talasuyu ning Dios, at ing amanung sasabian yung ibat king Ginu pawang katutuan.

2 Ari 5:15

Kayabe ding tauan na, belikan neng Naaman i Eliseo at ngana, Ngeni balu ku na king alang dios king yatu nune mu ing Dios ning Israel. Ipakisabi kung mayap, tanggapan mu sana ing kakung regalu.

1 Cronica 16:25

Uling ing Ginu maula ya; sukat yang purian, sukat yang galangan maygit karing aliwang dios.

2 Cronica 2:5

Maragul ya ing templong ipagawa ku uling mas maragul ya ing Dios mi kesa karing aliwang dios.

Nehemias 9:10

Ginawa kang bage pagmumulalan laban king karelang ari, karing pamuntuk at memalen na, uling pigbagsikan da la ring kekaming makatua. At ing Lagyu mu angga ngeni pikabaluan ya.

Nehemias 9:16

Oneng ding makatua mi migmaragul la, at pepasias da lang buntuk da, at e memintu karing utus mu.

Nehemias 9:29

Belan mu la ban mibalik at tupad karing utus mu, oneng migmatas la at e la memintu karing utus mu agyang ing Kautusan mu ya ing babie bie karela. Mesias la buntuk at e la bisang mamintu.

Ding Dalit 119:21

Keka lang sasabianan ding palalu; isumpa mo ding e mamintu karing utus mu.

Ding Dalit 135:5

Balu ku king ing Ginu maragul ya; igitan na la ding sablang dios-diosan.

Ding Dalit 31:23

Luguran ye ing Ginu, ikong sablang pinili na! Ding tapat king Ginu, ingatan na la, oneng detang palalu, maygit na lang parusan.

Ding Dalit 95:3

Uling ing Ginu, Dios yang mitmung kayupayan; maygit yang mayupaya kesa karing sablang dios-diosan.

Ding Dalit 97:9

Ginung Mayupayang tutu, ari na ka ning mabilug a yatu; maygit ka karing sablang dios a e tutu.

Exodo 1:10

Nung sakaling lusuban da katamu ding kalaban pota makikampi la pa karela at kaybat takasan de ing bansa tamu. Inya kailangan tamung lumawe paralan ban e na la dakal pa.

Exodo 1:16

Ngana karela, Potang papanganak kayu, kabud akit yu king ing anak a mibait lalaki ya, paten ye. Nung babai ya paburen yeng mie.

Exodo 1:22

Kanita minie yang utus ing ari karing sasakupan na. Ngana karela, Iyugse ya king Ilug ning Nilo ing balang anak a lalaking mibait karing Hebreo, oneng paburen yu lang mie ding anak a babai.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 12:12

King benging ita, lumabas ku king mabilug a Ehipto; paten ku la ding sablang anak dang pangane lalaki ding tau at animal; pagpa ku ing parusa karing dios na ning Ehipto. Aku ing Ginu.

Exodo 14:18

Potang sambutan ku na la den, akilala da ring tau Ehipto king aku ing Ginu.

Exodo 14:8

Pepasiasan ne pusu ning Ginu ing ari, inya tegalan na la ning ari ding Israelita a kanita kasalukuyan matagumpe tatakas.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Exodo 5:2

Ngana karela ning ari, Ninu wari ing Ginung yan? Ba't mo kailangan keng pakiramdaman at paintulutan mako ding Israelita? E ke kakilala yang Ginung sasabian yu at e ku la malyaring paintulutan mako ding Israelita.

Exodo 5:7

Tuknang na kayung babie are karing taung mangawang laryu; paburen yu lang manintun dili ra.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Ding Bilang 33:4

Ding tau Ehipto naman kukutkut da la ring anak dang pangane a mete uli na ning kayatulan na ning Ginu karing kikilalanan dang dios.

Lucas 1:51

Inatiat ne ing mayupaya nang takde, at simbulat na la ding mangatas a lub ketang kapalaluan ning karelang nasa.

Santiago 4:6

Oneng ing grasyang babie na ning Dios kekatamu lalu namang masikan. Uling sasabian na ning Kasulatan, Lalabanan na la ning Dios ding palalu, oneng dirinan na lang grasya ding mapagpakumbaba.

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.

1 Samuel 2:3

Tuknang na kong magsalitang kayabangan, e yu na paramdam pa ing kekong ketasan; ing Ginung Dios ya'ng makibalu king sabla, at ya ing manatul karing dapat ning tau.