Exodo 18:10 - Ing Mayap a Balita Biblia

¹⁰ Nganang sinabi, Purian ya ing Ginung migligtas kekayu king ari, at karing memalen na ning Ehipto! Purian ya ing Ginung migligtas king balen na king panga-ipus na!

Exodo 18:10 Iomraidhean Croise

Genesis 14:20

At mipuri ya sana ing Dios a Kakataskatasan a minie tagumpe kang Abram laban karing kalaban na! Kanita binie nang Abram kang Melkisedek ing kapulung dake na ning sablang pibandian a abawi na.

Genesis 24:27

at ngana, Purian ya ing Ginu, ing Dios nang Abraham a panginuan ku. E na kelinguan ing pangaku na nune tiparan na. Tinaid na ku at selangi ning Ginu king bale da ring kamaganak na ning panginuan ku.

2 Samuel 18:28

Minaus ya ing dinatang a i Ahimaaz. Dinuku ya king arap ning ari at nganang migsalita, Masalese pu ing sabla-sabla. Purian ya ing Ginung kekong Dios uling dininan na kayung tagumpe karing taung mag-rebeldi laban kekayu, O Makamal a Ari.

1 Ari 8:15

Ngana, Purian ya ing Ginung Dios ning Israel a tinupad king pangakung binie na kang David a tata ku kanitang sinabi na,

1 Ari 8:56

Ngana, Purian ya ing Ginu a minie kapayapan king balen nang Israel; tiparan na ing pengaku na; metupad ngan ing sablang pengaku na king kapamilatan nang Moises a talasuyu na.

Ding Dalit 41:13

Purian ya ing Ginu, ing Dios ning Israel! Purian ye angga king kapilan pa man. Amen! Amen!

Lucas 1:68

Purian ta ya ing Ginu, ing Dios ning Israel! Inatdanan na lang kasaupan ding memalen na at pinalaya na la.

Efeso 1:3

Pasalamat tamu king Dios at Ibpa na ning Ginu tamung Jesu-Cristo! Uling dininan na katamung bendisyun a ibat king banua uli na ning kekatamung pangayabe kang Cristo.

1 Tesalonica 3:9

Makananu mi ya kayang pasalamatan ganap ing Dios king sablang tulang binie yu kekami?

1 Pedro 1:3

Purian ta ya ing Dios at Ibpa na ning Ginu tamung Jesu-Cristo! Uli na ning maragul nang lunus, dininan na katamung bayung bie king kapamilatan na ning pamanyubli nang mebie Jesu-Cristo. Iti ya ing mangatmung mabie kapanayan kekatamu,

1 Samuel 15:6

Nganang Saul karing tau Keniteo, Mako kayu ken at lakuan yu la ding Amalekita ba ra kayung e paten kayabe ra; alang-alang ketang ganaka a pepakit yu karing sablang Israelita inyang meko la Ehipto. Inya likuan da la ring Keniteo ding Amalekita.

1 Samuel 25:32

Kanita nganang David kang Abigail, Purian ya ing Ginu, ing Dios ning Israel, ing mitubud keka kanaku king aldong iti!