Exodo 18:1 - Ing Mayap a Balita Biblia

¹ Abalitan nang Jetro, ing pari ning Midian at katuangan nang Moises, ing sablang depatan na ning Dios para kang Moises at karing memalen na ning Israel kanitang liwal na la king Ehipto.

Exodo 18:1 Iomraidhean Croise

Ding Dalit 105:43

Inya linual ne ing balen na; ding taung pinili na magkanta la, at kukulisak la king tula da.

Ding Dalit 105:5

E yu la sana kakalinguan ding milagrung gewa ning Ginu, at ding pisiag nang kayatulan,

Ding Dalit 106:2

Ninu ing makapagsalita karing dapat nang maragul ning Ginu? Ninung makaibie ganap a kapurian king Ginu?

Ding Dalit 34:2

Ing Ginu ya ing pagmaragul ku; makiramdam kayu at tumula, ikong mayayalipusta.

Ding Dalit 44:1

Inistoria da kekami, O Dios, ding makatua mi ing makapagmulala mung depatan kanitang karelang kapanaunan.

Ding Dalit 78:4

E tamu kailangan lilihim karing kekatamung lahi, nune kailangan tamung ilipat at sabian karing tutuking lahi ing sikanan ning Ginu, at ding makapagmulalang bage depat na.

Exodo 2:16

Atin yang pitung anak a babai i Jetro, ing pari ning Midian. Misan a aldo, makalukluk ya i Moises king lele ning talaga; dinatang la deting mikakapatad ban saklung danum para karing tupa at kambing nang tata ra.

Exodo 2:18

Inyang minuli na la, kitang nang Jetro a tata ra, Obat maranun kayung minuli ngeni?

Exodo 2:21

Mebisa ya i Moises ing karin ne manuknangan at binie neng Jetro kang Moises ing anak nang i Zipora ban maging asawa na.

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Exodo 4:18

Mibalik ya i Moises kang Jetro, ing katuangan na, at ngana, Tatang, paintulutan yu ku sanang makapagbalik karing kamaganak ku karin Ehipto ban lawan ku nung mabie la pa. Mebisa ne man i Jetro at peintulutan neng mako i Moises.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Jeremias 33:9

Ing Jerusalem ya ing panibatan na ning tula, dangalan, at kapurian para kanaku, at mitakutan la ding balang bansa ning yatu, at galgal la potang damdaman da la ring mayap a bage a daptan ku para karing memalen na ning Jerusalem, at ibie ku ing pangapala keting siudad.

Zacarias 8:23

King panaun a ita, lumapit la ding apulung dayuan king metung a Judio at sabian da, Bisa kaming mirakayanan king mayap yung kalma uling abalitan mi king ing Dios atyu ya kekayu.

Ding Bilang 10:29

Nganang migsalitang Moises kang Hobab, ing bayo na, Makasadia na kaming maglakbe papunta ketang lugal a pengaku nang ibie kekami ning Ginu. Tuki na ka kekami at e ra ka paburen uling masanting karin.

Ding Dapat 14:27

Inyang miras la Antiokia tinipun da la ring miembru na ning iglesia at belita ra ngan ing sablang depat na ning Dios karela, at nung makananu neng biklat ning Dios karing paganu ing dalan para king kasalpantayanan.

Ding Dapat 15:12

Alang mekabulad king mabilug a kapulungan kabang makiramdam la king balita da ri Bernabe at Pablo tungkul karing sablang milagru at makapagmulalang bage depat na ning Dios king kapamilatan da libutad da ring paganu.

Roma 15:18

Uling e ku mangangas magsalitang nanuman subali mu king depat nang Cristo king kapamilatan ku ba na lang ayagkat ding paganu king kapamintuan king Dios. Depat na iti kapamilatan ning amanu at dapat,

Josue 2:10

Abalitan mi nung makananu neng pepamala ning Ginu ing danum na ning Dagat da ring Timbu king arapan yu kanitang lulual kayu Ehipto, at nung makananu yu lang pete di Sihon at Og, ding aduang ari da ring Amoreo king dane aslagan na ning Jordan.

Josue 9:9

Kanita ngarang mekibat, Menibatan la ring talasuyu yu king marayung bansa at karin mi ya abalitan ing Ginung kekayung Dios. Miras kekami ing sablang depat na Ehipto

Ukum 1:16

Ding Keniteo, ding lahi da ring katuangan nang Moises, tinuki la karing memalen na ning Juda a menibatan Jerico, ing ausan dang siudad ding palma. Linub la king malanging gabun karin Juda dane nang mauli ning Arad. At mekipanuknangan la karing Amalekita.

Ukum 4:11

Ngeni i Heber, ing Keniteo, telakad ne ing tolda na malapit Kedes, siping na ning tanaman a ensina keta king Zananim. Linaut ya karing aliwang Keniteo a lahi nang Hobab a bayo nang Moises.