Exodo 17:7 - Ing Mayap a Balita Biblia

⁷ Inaus deng Masa at Meriba ing lugal a ita, uling migreklamu la ding Israelita at pinyubukan de ing Ginu kanitang ngarang kinutang, Kayabe ta ya ing Ginu o ali ta ya?

Exodo 17:7 Iomraidhean Croise

Ding Dalit 106:32

Pepamua de ing Ginu karin king sibul ning Meriba, at uli nita, pati i Moises midame ya.

Ding Dalit 78:18

Seria deng piniubukan ing Dios king pamaniawad pamangan a karelang kapad.

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Ding Dalit 81:8

Makiramdam ka, balen ku, kening kakung babala, O Israel, sana kaku makiramdam ka.

Ding Dalit 95:8

E kayu sa masias a pusu; e yu sa pakiapusan ing gewa ra ding kekong makatua inyang atyu la king Meriba king disyerto karin Masa.

Exodo 17:2

Migreklamu la kang Moises. Ngara, Dinan mu keng danum a ainum mi. Nganang mekibat Moises, Obat magreklamu kayu? Obat pilit yeng panyubukan ing Ginu?

Exodo 34:9

Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Isaias 12:6

Bustan ya ing balang metung king Zion kulisak ya at magkanta! Uling marangal ya ing banal nang Dios ning Israel, at manuknangan ya libutad ding memalen na.

Mikeas 3:11

Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Ding Bilang 14:22

ala metung man kareting taung menakit king upaya ku at ding bage pagmumulalan a depat ku king Ehipto at king disyerto at paulit-ulit maniubuk kanaku at e bisang makiramdam kanaku

Ding Bilang 20:13

Ila deti ring danuman ning Meriba nung nukarin milyari ing pamagreklamu da ring memalen na ning Israel laban king Ginu at nung nu na pepakit ning Ginu ing kabanalan na.

Ding Bilang 20:24

E na magluat at mate ne i Aaron. E ya milub king gabun a binie ku karing memalen na ning Israel, uling ya ampon ika e yu tiparan ing utus ku inyang atyu kayu karing danuman na ning Meriba.

Ding Bilang 27:14

E ka naman memintu kanaku karin king ilang ning Zin, e mu kilala ing kanakung kayupayan arapan da inyang mig-rebeldi lang laban kanaku ring Israelita karin king Meriba. (Ing Meriba ya ing sibul king Kades karin king ilang ning Zin.)

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Deuteronomio 31:17

Kanita na mikalabkab ing mua ku karela. King aldong ita, tanggian ku la at lakuan. Mangamate la. Datang karela ing dakal a sakit at kaguluan. Kanita ra apagaralan king ing sablang kabiguan a miras karela bunga na ning aku, ing Dios, e ra na ku kayabe.

Deuteronomio 33:8

King tribu nang Levi sinabi na: Ginu, ibie mu la kang Levi ding kekang Tumim at Urim ban abalu na ing kekang kaburian. Ding tapat mung talasuyu ila ding Levita, sibukan mu la karin king Massa, at meyakit lang tapat karin king danuman ning Meriba.

Deuteronomio 6:16

E ye sukat paniubukan ing Ginung kekayung Dios antimo ing depat yu karin king Massa.

Deuteronomio 9:22

Pepamua ye munaman ing Ginung kekayung Dios inyang atyu kayu karin king Tabera, king Massa, at king Kibrot Hattaava.

Josue 22:31

Inya ngana karelang Fineas a anak nang Eleazar a pari, Ngeni balu mi na king ing Ginu atyu libutad tamu. E kayu mig-rebeldi laban king Ginu, nung inya linigtas ye ing memalen na ning Israel king parusa ning Ginu.