Exodo 17:6 - Ing Mayap a Balita Biblia

⁶ Talakad ku arapan yu king metung a batung maragul karin king Bunduk ning Sinai. Pukpukan me ing batung ita, at sumibul karin ing danum a ainum da ring tau. Depatan nang Moises ita king akakit da ring manimuna na ning Israel.

Exodo 17:6 Iomraidhean Croise

Nehemias 9:15

Inyang meranup la, peparala kang tinapeng ibat banua, at inyang mau lang danum king batung ating sibul karin mu la pepainum. Sinabi mu karela king bandian de ing gabun a pengaku mung ibie karela.

Ding Dalit 105:41

Inaspak ne ing batung maragul, at linual ing dakal a danum; sinibul at minagus ing danum anting ilug king disyertong ita.

Ding Dalit 114:8

gagawa yang ilug karing batu, at papalto yang mamagus a danum ibat karing batu.

Ding Dalit 46:4

Ating ilug a mamagus babie tula king siudad ning Dios, king banal a tuknangan ning Kakataskatasan.

Ding Dalit 74:15

Ika ing mibugnus karing sibul at batis; ika namang pepamala karing ilug a mangaragul.

Ding Dalit 78:18

Seria deng piniubukan ing Dios king pamaniawad pamangan a karelang kapad.

Ding Dalit 78:20

Wa, ya itang mikpuk king batu, at ing danum sinibul lapo-lapo. Oneng agyu na kata kayang dinan tinape at karning apangan tamo?

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Exodo 14:16

Itas me ing tukud mu babo ning dagat at mepidua ing danum; malyari na la kanitang makadalan ding Israelita babo na ning gabun a malangi libutad ning dagat.

Exodo 16:10

Kabang magsalita ya i Aaron karing sablang memalen ning Israel melikid la banda king disyerto at kabud-abud ing makasilo nang aslag ning panga-atyu ning Ginu meyakit libutad na ning biga.

Isaias 48:21

E la bitasang kinau ding taung pinili ning Ginu kanitang tinaid na la libutad ning mapali at malanging disyerto. Pepayagusan na ing danum a ibat king batu; binangal ne ing batu at mamagus a danum ing linual.

Ding Bilang 20:8

Kuanan me ing tukud a makabili arap ning Kaban ning Kasunduan at kaybat ika ampon i Aaron tipunan yu la ring memalen. At king arapan da, magsalita ka king batu at lumual ing danum para karing tau at karing sese rang animal.

Juan 4:10

Sinabi nang Jesus, Nung balu mu mu ing babie ning Dios at nung ninu ing maki-inum, mekad ika na ing maniawad keya at ibie na keka ing danum a mabie.

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

1 Corinto 10:4

at minum la king batung espiritual a minantabe karela, at ing batung ita ya i Cristo.

Deuteronomio 1:2

Angga yang labing metung a aldo lakaran manibat king Horeb angga Kades Barnea, nung dumalan ka karing bulubundukan nang balen ning Seir.)

Deuteronomio 8:15

Ya ing mitnube kekayu king pamaglakbe yu king maragul at makapangilabut a disyerto a mitmung kamandagan a ubingan at alakdan. Inyang ala kayung ainum ketang disyertong ita, pepasibul yang danum ibat king metung a batung maragul ban atin kayung ainum.

Kapahayagan 22:17

Ngana ning Espiritu at ning Babaing kakasal, Mekeni! Ding sablang makaramdam kaniti kailangan ing sabian da naman, Mekeni! Ing ninumang kakau, lumapit ya; paburen yeng kuma ing bisa king danum a babie bie. Iti alang bayad.