Exodo 17:4 - Ing Mayap a Balita Biblia

⁴ Inya nganang menalangin taimtim Moises king Ginu, Nanu ing daptan ku karing taung deni? Buri da na kung pamasibasan.

Exodo 17:4 Iomraidhean Croise

Ding Dalit 99:6

I Moises at i Aaron pari na la, i Samuel naman menalangin ya; deti ngan king Ginu minaus la, at pekibatan na la.

Exodo 14:15

Ngana ning Ginu kang Moises, Obat ala kang patugut mamaus pasaup? Sabian mu karing tau king isulung da na ing lakad da!

Exodo 15:25

Menalangin yang taimtim i Moises king Ginu, at tiru ne ning Ginu ing metung a kapirasung dutung. Inyang inatsa neng Moises king danum, milako pait ing danum. Karin na la binie ning Ginu ding utus a tuntunan da king pamibiebie ra at karin na la naman pinyubukan.

Ding Bilang 11:11

Inya kitang na king Ginu, Obat sinubu yu ku kaniting maragul a pakibatan karing tau? Nanu waring kasalanan ku ba't kakanianan yu ku?

Ding Bilang 14:10

E la meniwala ding memalen na ning Israel at belan da lang pamasibasan batu ri Josue at Caleb angga king mate la. Kanita ing masalang aslag na ning panga-atyu ning Ginu sinlag babo na ning Toldang tuknangan ning Ginu.

Ding Bilang 16:19

Kanita tinipun na lang Kora ding sablang memalen at tinalakad la arapan da ri Moises at Aaron karin king pasbul ning Toldang tuknangan ning Ginu. Kabud-abud sinlag ing makasilo nang panga-atyu ning Ginu karing sablang atyu karin.

Juan 10:31

Pasibayu lang dinamput batu ding Judio ba reng basibasan.

Juan 8:59

Inya kinangwa lang batu ban basibasan de i Jesus, oneng sinalikut ya at meko ya king Templo.

Ding Dapat 14:19

Dinatang la ding mapilan a Judio ibat Antiokia ning Pisidia at ibat Iconio; ikua da lang ayagkat ding tau laban karing apostol. Pemasibas de i Pablo at keladkad de lual ning balen inyang bala ra mete ne.

Ding Dapat 7:50

Ninung ginawa kareting sablang bage? Aliwa wari ako?

1 Samuel 30:6

Meligalig yang e mu nanu i David; buri deng pamasibasan batu ding tauan na uling tutu rang penamdaman ing pangabihag da ring karelang anak a lalaki at babai. Oneng pesiknangan ne ning Ginung Dios na.