Exodo 16:8 - Ing Mayap a Balita Biblia

⁸ Ngana pang Moises, Ing Ginu ya ing munie karni kekayu neng sisilim at munie tinape kekayu neng abak anggang bisa kayu, uling dimdam na nung nu anti karagul ing pamagreklamu yu. Neng magreklamu kayu laban kekami, king Ginu kayu tune magreklamu at e kekami.

Exodo 16:8 Iomraidhean Croise

Exodo 16:12

Dimdam ku ing reklamu da ring Israelita. Sabian mu karela king manikua lang karning apangan da potang sisilim na, at mika tinape anggang bisa la neng abak. Kanita ra akilala king aku, ing Ginu, ing Dios da.

Exodo 16:9

Nganang Moises kang Aaron, Sabian mu karing sablang memalen ning Israel king datang la at makiarap king Ginu, uling dimdam na ing reklamu da.

Exodo 17:2

Migreklamu la kang Moises. Ngara, Dinan mu keng danum a ainum mi. Nganang mekibat Moises, Obat magreklamu kayu? Obat pilit yeng panyubukan ing Ginu?

Isaias 32:6

Magsalita yang kamangmangan ing taung mangmang at mimisip yang e mayap a bage daptan na. Mistulang insultu king Dios ing daraptan na at isipan at e na la dirinan pamangan ding danupan o inuman ding kakau.

Isaias 37:29

Abalitan ku ing bigsikan mu at ing ketasan mung lub at ngeni mibili kung taga king arung mu at busal king asbuk mu at ibalik da ka king lugal nung nu ka menibatan.

Ding Bilang 11:18

At sabian mu karing Israelita ing magsadia la uling bukas makapangan na lang karni. Sabian mu karela king aku, ing Ginu, dimdam ku ing karelang reklamu at ing kapagnasan dang makapangan karni antimo inyang atyu la king Ehipto. Dinan ku lang karni at makapangan na la.

Ding Bilang 14:27

Angga kapilan la magreklamu laban kanaku deting e mayap a memalen na ning Israel? Bubulung lang bubulung laban kanaku.

Ding Bilang 21:7

Inya lepitan de ring Israelita i Moises at ngara, Moises, mikasala kami king Ginu at keka inyang migsalita kaming laban king Ginu at keka. Aduan mu king Ginu king ilako na la sana deting kamandagan a ubingan. Inya menalangin ya i Moises para karing tau.

Mateo 10:40

Aku ing tatanggapan na ning ninumang tatanggap kekayu, at ninuman ing tatanggap kanaku, tatanggapan ne itang mitubud kanaku.

Mateo 9:4

Balu nang Jesus itang atyu king lub da, inya ngana karela, Obat marawak kayu isipan?

Lucas 10:16

Nganang Jesus karing alagad na, Ing ninumang makiramdam kekayu, makiramdam ya kanaku; ing ninumang tanggi kekayu, tatanggian na ku at ing ninumang tanggi kanaku, tatanggian ne itang mitubud kanaku.

Juan 13:20

Ing katutuan sasabian ku kekayu: ing tatanggap king ninumang tinubud ku, akung tatanggapan na at ing tatanggap kanaku tatanggapan ne itang mitubud kanaku.

Roma 13:2

Inya ninuman ing sasalangsang king kayupayan sasalangsangan na ing tildu na ning Dios, at miparusan ya ing ninumang sasalangsang king tildu na ning Dios.

1 Corinto 10:10

E kayu kailangan magreklamu antimo ing depat da ring mapilan karela, at pete na la ning Kamatayan.

1 Tesalonica 4:8

Inya, ing ninumang e tanggap king turung iti, aliwa ing tau ing e na tatanggapan nune ing Dios a minie kekayu king Banal nang Espiritu.

1 Samuel 8:7

Nganang mekibat ning Ginu kang Samuel, Pakiramdaman mu ing sabla rang sasabian keka ding memalen, uling aliwa naman ika ing sasakuil da nune aku ing sasakuil dang ari da.