Exodo 16:7 - Ing Mayap a Balita Biblia

⁷ at bukas abak akit yu ing kayupayan na. Dimdam na la ring reklamu yu. Wa, laban king Ginu, uling tutuparan mi mu ing pasabi na.

Exodo 16:7 Iomraidhean Croise

Exodo 16:10

Kabang magsalita ya i Aaron karing sablang memalen ning Israel melikid la banda king disyerto at kabud-abud ing makasilo nang aslag ning panga-atyu ning Ginu meyakit libutad na ning biga.

Exodo 16:12

Dimdam ku ing reklamu da ring Israelita. Sabian mu karela king manikua lang karning apangan da potang sisilim na, at mika tinape anggang bisa la neng abak. Kanita ra akilala king aku, ing Ginu, ing Dios da.

Exodo 16:8

Ngana pang Moises, Ing Ginu ya ing munie karni kekayu neng sisilim at munie tinape kekayu neng abak anggang bisa kayu, uling dimdam na nung nu anti karagul ing pamagreklamu yu. Neng magreklamu kayu laban kekami, king Ginu kayu tune magreklamu at e kekami.

Exodo 24:10

Ikit de karin ing Dios ning Israel. Anti ya ing suelong megawa king safiro a kasing asul na ning banua ing tutukluan na.

Exodo 24:16

Migdatun king babo ning bunduk ing makasilo nang aslag ning panga-atyu ning Ginu. Anam yang aldo makatakap king biga. King kapitung aldo, ibat king makapal a biga, inaus ne ning Ginu i Moises.

Exodo 40:34

Kaybat na nita, tikpan ne ning biga ing Tolda at mikatmuan ya king makasilo nang aslag ning panga-atyu na ning Ginu.

Isaias 35:2

Ing disyerto magkanta ya, at kulisak king tula; maging anti ya karing Bunduk ning Lebanon king lagu na, at maging mataba ya anti ding marangle ning Carmel at Sharon. Akit ning balang metung ing ligaya ning Ginu; akit da ing degulan na at upaya.

Isaias 40:5

Kanita ing ligaya ning Ginu mibulalag ya, at akit da iti ding sablang tau. Ing Ginu mismu ya ing migsalita.

Levitico 9:6

Ngana karelang Moises, Inutus na ning Ginu ing daptan yu ngan iti ban ing makasilo nang aslag ning Ginu mihayag kekayu.

Ding Bilang 14:10

E la meniwala ding memalen na ning Israel at belan da lang pamasibasan batu ri Josue at Caleb angga king mate la. Kanita ing masalang aslag na ning panga-atyu ning Ginu sinlag babo na ning Toldang tuknangan ning Ginu.

Ding Bilang 14:27

Angga kapilan la magreklamu laban kanaku deting e mayap a memalen na ning Israel? Bubulung lang bubulung laban kanaku.

Ding Bilang 16:11

King kamatutuanan ing Ginu ya ing kekayung pakilabanan king pamisanmetung yu laban kang Aaron.

Ding Bilang 16:42

Inyang ikua ra nang mitipun ding memalen laban kang Moises at kang Aaron, melikid la king Toldang tuknangan ning Ginu at ikit de ing biga at tatakpan ne iti, at ikit da ing makasilo nang aslag ning panga-atyu na ning Ginu.

Ding Bilang 17:5

Itang tukud na ning manimuna a pilinan ku ya ing tumubu. King anti kaniting paralan tuknang ing bulung-bulungan at reklamu laban keka.

Juan 11:4

Inyang tinggap nang Jesus iting balita, sinabi na, E na ikamate iting sakit; nune milyari iti para king ikaligaya na ning Dios ban mipaligayan ya ing Anak ning Dios king kapamilatan na niti.

Juan 11:40

Nganang Jesus, E ku wari sinabi keka king nung maniwala ka akit mu ing ligaya na ning Dios?