Exodo 16:3 - Ing Mayap a Balita Biblia

³ Ngara karela, Mayap pang gisan na na keng pete ning Ginu karin king Ehipto. Karin makalukluk kami at makapangan karni at aliwa pang pamangan anggang bisa kami. Oneng ikayu dela yu kami keti king libutad na ning disyerto ban paten yu kami mu palang danup.

Exodo 16:3 Iomraidhean Croise

2 Samuel 18:33

At bina yang melungkut ing ari. Menik ya at minta king silid a atyu babo ning pasbul dalan ning siudad at karin ya menangis. Nganang sinabi kabang papanik ya, O ing anak kong i Absalom! Ing anak ko, ing anak kong Absalom! Sana aku ing mete at aliwa ika. O Absalom, ing anak ko, ing anak ko!

Job 3:1

King katataulian biklat neng Job ing asbuk na at simpa ne ing aldo nang beitan.

Job 3:10

Uli ning ing benging ita peintulut nang mibait ku pa, at karing kakung mata e na pimpanan ing kalungkutan.

Job 3:20

Obat ing bie mipagkalub pa king taung daralan kasakitan? Obat ing bie mipagkalub pa king magdusang kapait-paitan?

Ding Dalit 107:5

danup at kau ing karelang delanan; pati kapanayan da megisan.

Ding Dalit 78:19

Angga king ing Dios lepastangan de pa. Ngara, Agyu na kata waring pakanan keting ilang; keti king disyerto, nanung malyari nang ayampang?

Ding Dalit 78:25

Inya ing tau king pamangan ding anghel mengan ya, labis-labis ing pamangan a binie na karela.

Exodo 14:11

Ngara kang Moises, Ala waring kutkutan karin Ehipto? Obat dela mu ke pa mu keti king disyerto ban keti mangamate? Lawan mu ngeni ing pepasari mu king pamilual mu kekami karin Ehipto!

Exodo 17:3

Oneng tutu na lang mau ding tau at e la tinuknang magreklamu kang Moises. Ngara, Obat liwal mu ke pa Ehipto? Leko mu ke karin ban paten mu kami mung kau at ding anak mi ampon ding sese ming animal?

Exodo 2:23

Mapilan pang banua kaybat na nita, mete ya ing ari ning Ehipto at ipus la pa mu rin ding Israelita. E la patugut sasaingsing at maniawad saup uli na ning kasakitan a daralanan da. Miras king Dios ing saingsing da.

Exodo 5:21

Ngarang sinabi kang Moises at Aaron, Saksi ya ing Ginu king pepasari yu at parusan na kayu; king uli yu akasaman na kami ning ari ampon ding opisyal na. Anti yu na lang dininan matulid ban pamaten da kami.

Jeremias 2:6

E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 42:14

E yu sukat sabian ing anti kaniti: Ali, mako kami at manuknangan king Ehipto nung nukarin e ke takman pang gera o makaramdam king aus ning pamakilaban o dumanup man, at karin kami manuknangan,

Jeremias 44:17

Daptan mi ngan ing bage sinabi ming daptan mi. Munie kaming ain-sakripisyu at mitugtug keng ain-a-alak para king kekaming diosa, ing Reyna ning Banua, nung makananung ikami at ding makatua mi, ing kekaming ari at ding manimuna mi penugalian ming daraptan karing balen ning Juda at karing dalan ning Jerusalem. King panaun a ita, dakal kami pamangan, mibandi kami at alang kaligaligan.

Ding Tagulele 4:9

Detang king gera mete, mas masuerti la kesa kareting tauling mete a tunggal ditak mapapatad a bie, uling ala lang akit a pamangan king marangle.

Ding Bilang 11:15

Nung makanyan mu rin ing tratu yu kanaku, mayap pa ing paten yu na ku ngeni mu rin ban milako na kanaku ing kapahamakan.

Ding Bilang 11:20

nune pabulan angga king manyuka la at masumami uling sikuil da ku, ing Ginu, agyang patnubayan ku la. At kikiak dang sinabi king mayap pa kanu ing e ku la leko king Ehipto.

Ding Bilang 14:2

Magreklamu ya ing metung at metung karing Israelita laban kang Moises at Aaron. Ngara, Mayap pa ing mete ta na king Ehipto o kaya mate keti king ilang!

Ding Bilang 14:3

Obat darala na kata pa mu ning Ginu king gabun a ita? Ban paten da katamu mu ring tau karin at mabihag la ring asawa tamu at anak? Mas masanting pa ing mibalik ta na Ehipto.

Ding Bilang 16:13

E pa wari sapat ing leko mu kami king bansa ning Ehipto a labis-labis king kabiayan at dela keti king ilang ban paten mu kami mu king danup? Ngeni, bisa ka pang maging panginuan me?

Ding Bilang 16:41

Itang kabukasan, migreklamu la ring memalen na ning Israel laban kari Moises at Aaron. Ngara, Pete yu la ring mapilan karing talasuyu na ning Ginu.

Ding Bilang 21:5

Inya migsalita lang laban king Dios at kang Moises. Ngara kang Moises, Leko mu kami wari king Ehipto ban pamaten mu keti king disyerto nung nu alang pamangan at danum? Sinawa na kami kaniting alang kwentang pamangan!

Ding Dapat 26:29

Kilub na mu ning makuyad a panaun o ning makaba man, nganang mekibat Pablo, ipanalangin ku king Dios ing ikayu at ikayung sablang makiramdam kanaku ngeni maging Cristianu kayung kalupa ku subali mu karing tanikalang deni!

1 Corinto 4:8

Mabandi na kayu! Ing sablang bage kailangan yu atyu na ngan kekayu. Ari na kayu pala, ikami ali ke pa! Wa, kaburi ko nung ari na kayu pin sana ban kanita maging ari keng kayabe yu.

2 Corinto 11:1

Apibata yu ku sana king ditak kung kamangmangan. Pibatan yu ku sana!

Deuteronomio 28:67

Ngayung sumabi neng abak, Sana bengi na at neng bengi naman sabian yu, Sana abak na. Iti ya ing pagnasan yu uli na ning maragul a takut a akakit yu at daralanan yu.

Deuteronomio 8:3

Gewa na kayung mapagpakumbaba; peparanup na kayu at kaybat pepakan king manna, ing pamangan a e yu bitasang balu o tikman ding makatua yu. Depat na iti ban ituru na king e ya bukud mabibie king tinape ing tau nune king balang amanung manibatan king Dios.

Josue 7:7

At nganang Josue, O Ginung Dios, obat delakit mu ke pa sumangid na ning Ilug ning Jordan? Ban paburen mu kaming manabu karing Amoreo? Ban mapuksa kame? Ba't e na kami mu menatili lipat na ning Jordan?