Exodo 16:21 - Ing Mayap a Balita Biblia

²¹ Balang abak, mamulut ya ing balang katau agpang ketang kailangan na; potang mapali ne aslag ing aldo, malaso itang melakuan king gabun.

Exodo 16:21 Iomraidhean Croise

Exodo 16:20

Oneng ating mapilan karela a e mekiramdam kang Moises, at misalikut lang ditak kaniti. Itang kabukasan a abak, mitmung ulad at mabangnas ing selikut da. Inya mimua ya i Moises karela.

Exodo 16:22

King kanam a aldo tinipun lang dobli ketang sadia rang pupulutan; metung a salup para king balang katau. Pintalan de ring sablang manimuna ning balen i Moises, at belita ra iti.

Ecclesiastes 12:1

Kayanakan, e me kakalinguan king kekang pangakayanakan ing Dios a linalang keka ban potang datang la ding aldo at banuang magdalang kaguluan e mu asabing: E ku matula king bie.

Ecclesiastes 9:10

Gawan mu ing sablang agyu mu king nanumang pagobran mu, uling king pupuntalan mung kutkutan da ring mete ala na kang pagobran o isipan o beluan o kabiasnan.

Mateo 6:33

Bayu ing sabla pakikuanan yung mag-ari ya ing Dios kekayu at tupad king kaburian na, at ibie na pati na ing sablang kailangan yu.

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

2 Corinto 6:2

Uling ing Dios sasabian na, Pekiramdaman da ka king oras a karapatdapat kaku, sinaupan da ka king aldo ning kaligtasan. Makiramdam kayu! Ngeni na ing oras a karapatdapat. Ngeni na ing aldo ning kaligtasan!