Exodo 15:9 - Ing Mayap a Balita Biblia

⁹ Ngana ning kalaban, Tagalan ku la at dakpan, sablang karelang pibandian kakung samsaman, at sabla kung aburi kakung kuanan; kakung espada kaku yang bagutan, ba kung kuanan ing sabla rang pibandian.

Exodo 15:9 Iomraidhean Croise

Genesis 49:27

Asu yang gubat a mabangis i Benjamin; neng abak gigisanan ne ing kalaban; neng bengi naman pirakerakayan na ing banding mesamsam.

2 Samuel 22:38

Penagal ko ding kalaban, at simbut ku la ngan; e ku tinuknang anggang e ko agisan.

1 Ari 19:2

Inya peparala yang tubud i Jezebel kang Elias ban sabian ing anti kaniti: Makanyan at maygit ing parusang daptan da kanaku ding dios, nung anggang bukas king oras a anti kaniti, e ku daptan keka itang depatan mu karing propeta.

1 Ari 20:10

Mananu na sanang paten da ku ring dios ku nung bukas, king oras a anti kaniti, atin pang makatagan a kasakmal mu mang alikabuk ning siudad a e ra adala ding kakung sundalus. Inya mitubud kung dakal a sundalus ken ban lasakan de ing siudad mu.

Exodo 14:5

Inyang abalitan na ning ari na ning Ehipto king ikua ra nang mekatakas ding Israelita, ya ampon ding tauan na migbayu la isip. Ngara, Nanu iting depatan tamu? Pepaburen ta lang mekatakas ding Israelita. Ngeni ala ta nang ipus a sumuyu kekatamu!

Ding Kasebian 16:19

Mas mayap ing mapagpakumbaba at kayabe ding kalulu kesa king makakayabe kang tatanggap king penako da ring palalu.

Isaias 36:20

Kapilan na mo milyari king linigtas ne ning metung karing dios da reting sablang bansa ing karelang bansa king kekaming ari? Ba't mo isipan yu ngeni king aligtas ne ning Ginu ing Jerusalem?

Isaias 53:12

Inya naman dakayanan keng lugal a mitmung dangalan, metung a lugal libutad ding taung mayupaya at marangal. King mitmung kalausan a lub dinaun nang bie na, at tinggap ing kapalaran da ring taung e mayap. Kinua na ing lugal ding dakal a makasalanan, at penalangin na king kamtan da sa ing kapatawaran.

Jeremias 46:17

Dinan yeng bayung lagyu ing ari ning Ehipto Mainge, Mayabang, at Minyira king malagu nang oras.

Habakuk 3:14

Ding kekang paslu kinutkut la king komandanti ning armada na kanitang dinatang yang anting alisus ban ikami ing isambulat na, kalupa ra detang pakasalikut maglupig karing pakakalulu.

Lucas 11:22

Nung luban ne ning taung mas masikan at sambutan ne, kuanan na la ngan ding sandatang panaligan na ning makibandi, at ipamie na ning taung linub ing banding penako na.

Ukum 5:30

Manintun lang pibandian a karelang samsaman at pipartian-partian, metung o aduang dalaga para karing balang sundalus da; malagung imalan a kilayan para kang Sisera, burdadung imalan a kilayan king batal ning reyna.

1 Samuel 30:8

Kaybat nganang David king Ginu, Panagalan ku la o ali ku la ding linusub a reta? Akua ku la kayang atagal at aligtas ding mebihag? Pekibat na ning Ginu, Tagalan mu la at aligtas mu la ding taung binihag da.