Exodo 15:8 - Ing Mayap a Balita Biblia

⁸ Tiniupan me ing dagat, at ing danum mitas; anting pader matulid tinalakad; ing kalalalaman ning dagat meging masias.

Exodo 15:8 Iomraidhean Croise

2 Samuel 22:16

Ing kalalaman ning dagat linto ya, at ding asias ning yatu meyakit la, inyang sebianan na lang kalaban na king mua na.

Job 4:9

King pangisnawa na ning Dios mawala la; at king mikakalabkab nang mua magisan la.

Ding Dalit 33:7

Ing danum ning dagat, at pati itang atyu king kalalaman titipunan na king metung a lugal.

Ding Dalit 78:13

Pinitna ne ing dagat at karin na la pepadalanan, at ing danum mengaring pader a matas.

Exodo 14:29

Sinulung da ring Israelita ing pamaglakad da king malanging gabun ning dagat kabang mengaring pader ing danum king mingatba karela.

Isaias 11:4

Atulan na la ding kalulu king alang pamangabiran, at idipensa matulid ding maina. King amanu na miparusan ya ing bansa, at taung e mayap mate la.

Isaias 37:7

Gawa yang paralan ing Ginu ban miras ing balita king ari ning Asiria at iti ing maging sangkan na ning pamagbalik na king sarili nang bansa. At paintulut na ning Ginu king mate ya king sarili nang bansa king kapamilatan na ning espada.

Habakuk 3:10

Inyang ding bunduk ikit da ka, ginalgal la; danum mibulus ibat banua. Ing danum lalam ning yatu mekimut, at ding karelang alun mitas lang e mu nanu.

Habakuk 3:15

Demusak me karing kekang kabayu ing dagat, at migbula ing mayupayang danuman.

2 Tesalonica 2:8

lunto ne kanita ing Marawak. Paten ne ning Ginung Jesus potang datang ne king kapamilatan na ning pangisnawa na at lasakan ne ning makasilo nang aslag.

Josue 3:13

Kabud mituklu la king danum ning Ilug ning Jordan ding bitis da ring paring magdala king Kaban ning Ginu ning mabilug a yatu, tuknang mamagus ing danum ning Jordan, at ing danum a mamagus pababa mitipun king metung a lugal king panibatan na.

Josue 3:16

tinuknang mamagus ing danum at migtipun ketang marayung dake bandang babo nung nu ya manibatan ing ilug tulid ning Adam, ing siudad siping ning Zaretan. Lubus tinuknang ing danum a mamagus pababa papunta king Dagat a Mete, at mekadalakit la ding memalen malapit king Jerico.