Exodo 15:7 - Ing Mayap a Balita Biblia

⁷ King degulan mung alang kalupa kalaban keka lang digsa, kasbu mu karela kekang bignus, at silaban mu lang anting dikut.

Exodo 15:7 Iomraidhean Croise

Job 9:4

Ing Dios biasa yang tutu at mayupaya; alang taung makatalakad laban king Ginu.

Ding Dalit 148:13

Bustan mu lang purian de ing lagyu ning Ginu, uling ing lagyu na maygit ya karing sablang lagyu; ing ligaya na lalagpus king yatu at king banua.

Ding Dalit 59:13

Lubus mu lang gisanan paten; king kekang mua papagdusan mo ngan, kanita ding tau karelang kilalanan king ika ing Dios a mag-ari king Israel at king meto yatu.

Ding Dalit 68:33

Ing Ginung maglakbe king banua, ing banuang milalu na tua. Oyan! kekayu yang pakiramdaman uling magsalita yang masikan.

Ding Dalit 83:13

O Dios, isalbag mu lang anting alikabuk; anti ing sepu a papaid ning angin.

Exodo 14:27

Inya inatiat neng Moises ing gamat na tulid na ning dagat. Inyang sasala na migbalik ing danum king sadia nang katas. Migkapilit lang aligtasan da ring tau Ehipto ing danum, oneng tinulak na la ning Ginu king dagat.

Exodo 5:12

Makanyan lang linibut mabilug a Ehipto ding Israelita ban manintun are.

Exodo 9:16

Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Isaias 37:17

Ngeni, Ginu, pakiramdaman mu kami sana at lawan mu ing mangapalyari kekami. Pakiramdaman mu, O Dios a mabie, ing sablang kalapastanganan a sasabian na kekang Senakerib.

Isaias 37:23

Ninu ing isipan mung kekang lalapastanganan at insultuan? Meging ala kang galang kanaku, ing banal a Dios ning Israel.

Isaias 37:29

Abalitan ku ing bigsikan mu at ing ketasan mung lub at ngeni mibili kung taga king arung mu at busal king asbuk mu at ibalik da ka king lugal nung nu ka menibatan.

Isaias 37:36

Kanita minta ya king kampu da ring tau Asiria ing metung a anghel na ning Ginu, at mekamate yang dinalan walung pulu't limang libung sundalus. Itang kabukasan a abak a maranun, inyang migising la ding memalen, ikit da lang pakapase; mete la ngan!

Isaias 37:38

Misan a aldo, kabang sasamba ya king templo ning dios nang i Nisrok, ding adua karing anak nang lalaki, i Adramelek at i Sarezer, pete de karing karelang espada at kaybat tinakas lang minta king Ararat. I Esarhadon, ing metung na pang anak, ya ing minalili bilang ari na ning Asiria.

Isaias 47:14

Mangari la karing putut-putut a are, at laklakan na la ning api! E ra akua mang aligtas ing karelang sarili, uling ing lablab ning api milalu kapali, e ya metung mung dapug a malyari dang pipagsalaban.

Isaias 5:16

Oneng ipakit na ning Ginung Mayupaya ing kayupayan na king kapamilatan na ning pamaniapat na king matulid, at ipakit na ing kabanalan na king kapamilatan na ning pamanatul na king balen na.

Isaias 5:24

Inya naman nung makananung ing are at malanging dikut mamaluktut at magisan king api, makanyan lang marunut ding kekayung yamut, at langi la ding kekayung sampaga at ipaid na ning angin, uling tinggian yu ing turu na ning Ginung Mayupaya, ing banal a Dios ning Israel.

Jeremias 10:6

Ginu, ala kang kalupa: mayupaya ka, marangal ya at mayupaya ing kekang lagyu.

Mikeas 4:11

Mitipun-tipun la ding dakal a bansa ban lusuban da ka. Sasabian da, Kailangan yang misaldak ing Jerusalem! Kailangan ta yang akit melasak iting siudad!

Zacarias 14:3

Kaybat lage ya ing Ginu at makilaban ya karing bansang deta, antimo ing pamakilaban na king milabas a panaun.

Zacarias 14:8

Potang datang ne ing aldong ita, magus ibat Jerusalem ing malinis a danum; magus ing kapitna king Dagat a Mete, at ing kapitna king Mediteraneo. Kaleldo man o kauran, magus alang patugut ing danum.

Zacarias 2:8

Anti na mo waring aku ing lebanan na ning ninumang lumaban kekayu. Inya tinubud na ku ning Ginung Mayupaya at binie ne iting mensahi para karing bansang meniamsam karing memalen na:

Malakias 4:1

Daratang ne ing aldo nung kapilan ding taung mapagmatas at e mayap masilab lang kalupa na ning are, nganang sasabi ning Ginung Mayupaya. King aldong ita masilab la at alang mitagan metung man karela.

Mateo 3:12

Atyu king gamat na ing sabungke na; linisan na ing pidadaran na at tipunan na ing pale king kamalig na, oneng dulukan na ing sepu king aping e matatda kapilan man.

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

Deuteronomio 33:26

Ala yang kalupa ing Dios, O Israel, saken neng mitmung dangal ing banua at ing biga ban saupan na ka.

Deuteronomio 4:24

Uling mengari ya ing Ginung kekayung Dios king api a maglaklak, Dios yang mapangalalu.

Hebreo 12:29

uling ing kekatamung Dios anti ya king aping manyilab.