Exodo 15:6 - Ing Mayap a Balita Biblia

⁶ Ing gamat mung wanan, O Ginu, makasdan ing upaya na, sablang kalaban panaspakan na la.

Exodo 15:6 Iomraidhean Croise

Ding Dalit 17:7

Ipakit mu ing alang kupas mung lugud, O talapagligtas ding keka lalapit pasaup; siping mu ligtas ku karing kakung kalaban.

Ding Dalit 2:9

King kekang palupalung bakal keka lang pamaluan, at keka lang pamalbalan anting kuran.

Ding Dalit 24:8

Ninu wari iting ari ning ligaya? Alang aliwa nune ing Ginung Mayupaya; tagumpe akakua na king marangle ning gera.

Ding Dalit 44:3

E re asamsam ing gabun a ita kapamilatan ding karelang espada o king sikanan a atyu karela; nune uli ning kekang kayupayan at sikanan, at uling minantabe ka karela. Iti kekang depatan uling keka lang kaluguran.

Ding Dalit 44:4

Ika ing Ari ku at Dios ku; ing papagtagumpe king kekang balen.

Ding Dalit 60:5

Datang na ka ban ding kekang pakamalan miligtas la king karelang kasakitan, at kekeng panalangin kekang pakibatan.

Ding Dalit 74:11

Obat e mu ne buring saupan? Obat ing wanan mung gamat keka yang pimpan?

Ding Dalit 77:10

Ngaku pang sinabi, Iti ya ing kaku makasakit lub: ing Dios balamu ala neng sikanan.

Ding Dalit 89:14

Ing hustisia at katuliran ila ding asias ning kekang kayarian; ing lugud at katapatan mayayakit king sabla mung daraptan.

Ding Dalit 98:1

Pagkanta yeng bayung kanta ing Ginu, uli ning makapagmulala nang depatan! King sarili nang kayupayan at banal nang gamat ing tagumpe ikua na.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Exodo 15:12

Inatiat me ing gamat mung wanan, at ing gabun kalaban inakmul na la ngan.

Exodo 15:16

Ing takut at galgal karela ngan digpa. O Ginu, kekang sikanan ikit da, at e la makakimut king takut da; anggang ing balen mu e ra ikuang linabas king arapan da balen a kinabus mu king panga-ipus na.

Exodo 18:8

Sinabi nang Moises kang Jetro ing sablang depatan na ning Ginu king ari, at karing memalen na ning Ehipto ban iligtas na la ring Israelita. Belita na naman ing kasakitan a pekiarapan da kabang dalan at nung makananu na lang linigtas ning Ginu.

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 6:1

Kanita ngana ning Ginu kang Moises, Akit mu mu rin nung nanu ing daptan ku king ari. Mapilit yang palakuan na la. Puersan keng itabi na la king kayarian na.

Isaias 30:14

Mangabalbal kayung mangalati anti ing kuran; uli na ning milalu ya pangasira ala kang akuang kapirasu mumang kapsa a malyaring gamitan king pamanguang mapaling baya o apanialuk mumang danum king talaga.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.

Isaias 52:10

Gamitan ning Ginu ing banal nang upaya; iligtas na la ding memalen na at mabilug a yatu iti akit na.

Isaias 63:12

Nu ya karin ing Ginung ginamit king upaya na at dinapat makapagmulalang bage king kapamilatan nang Moises; sigsag ne ing danum ning dagat at tinaid na la ding memalen na libutad ning malalam a danuman ban akua na ing alang kapupusan a kabantugan para king sarili na? Alipatan de ing dagat king pamanimuna na ning Ginu karela, anti lang kabayung malyap; e la bitasang misakab.

Jeremias 13:14

Kaybat na nita, pipupugkulan ku la anti ding banga, pengari at anak. E ku malunus karela ni pakit ganaka karela. E na ku malyaring pigilan ning lunus king pamakamate ku karela.

Mateo 6:13

At e mu ke paisaul king mabayat a kapagsubukan, nune ikabus mu kami king Marawak.

Kapahayagan 2:27

Panibalan na la king kapamilatan na ning palupalung bakal at balbalan na la ding bansa antimo ing pamamalbal na karing kuran.

1 Samuel 2:10

Paten no ning Ginu ding kalaban na, karin banua duldul ya karela. Atulan ne ning Ginu ing mabilug a yatu; pasiknangan ne ing ari na, at papagtagumpen ne ing pinili na.