Exodo 15:22 - Ing Mayap a Balita Biblia

²² Kaybat na nita, penimunan na lang Moises ding memalen na ning Israel manibat ketang pampang na ning Dagat da ring Timbu, at minta la king disyerto na ning Shur. Kilub ding atlung aldo miglakad la libutad na ning disyerto, oneng e la menakit danum.

Exodo 15:22 Iomraidhean Croise

Genesis 16:7

Ikit ne ning anghel ning Ginu i Agar king lele ning metung a sibul king disyerto; atyu ing sibul king dalan papunta king Shur.

Genesis 20:1

Ibat karin Mamre tinaglus ya i Abraham king sakup ning Negeb. Menuknangan ya king Gerar pilatan na ning Kades at Shur. Kabang manuknangan ya karin Gerar,

Genesis 25:18

Menuknangan la ding lahi nang Ismael pilatan na ning Havila at Shur, banda nang aslagan ning Ehipto papunta Asiria; manuknangan ya ing balang metung karela tulid dang tolda ding kamaganak na.

Ding Dalit 136:16

Inantabayanan na lang memalen na king paglakbe ra king disyerto; uling ing lugud na alang angga.

Ding Dalit 77:20

Tinaid mong kekang memalen antimong metung a kawan king kapamilatan nang Moises ampon i Aaron.

Ding Dalit 78:52

Kaybat liwal neng anting tupa ing balen na, at tinaid anting kawan king ilang.

Ding Dalit 78:53

Tinaid na lang mitmung kaingatan, inya e la mitakutan, kabang ding karelang kalaban king dagat la mitakpan!

Exodo 17:1

Meko ya ing mabilug a balen na ning Israel keta king disyerto ning Sin, at miglipat-lipat ya karing miyayaliwang lugal agpang ketang yuyutus na ning Ginu. Migkampu la karin Refidim, oneng alang danum a ainum da karin.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Ding Bilang 33:8

Meko la king Pi Hairot at delakitan de ing dagat papunta king disyerto. Miglakbe lang atlung aldo king disyerto ning Etam at migkampu la karin king Mara.

1 Samuel 15:7

Lisuban na lang Saul ding Amalekita manibat Habila angga karin Shur a atyu king banda nang aslagan ning Ehipto.

1 Samuel 27:8

King panaun a ita, linusub ya i David at ding tauan na karing Gesureo, Girzita, at Amalekita. Ila deti ring makatuknang kanita pa king bansa angga na king Shur at Ehipto.