Exodo 15:16 - Ing Mayap a Balita Biblia

¹⁶ Ing takut at galgal karela ngan digpa. O Ginu, kekang sikanan ikit da, at e la makakimut king takut da; anggang ing balen mu e ra ikuang linabas king arapan da balen a kinabus mu king panga-ipus na.

Exodo 15:16 Iomraidhean Croise

Genesis 35:5

Inyang lalakuan da ne ing lugal a ita, pepagpa na ning Dios ing maragul a takut karing memalen da ring siudad a makalapit karin. Inya e re tegal i Jacob at ing pamilya na.

2 Samuel 7:23

At ninu ing apakilimpi mu king balen mung Israel? Ya mung bukud ing bansa keti king yatu a inatbus mu king panga-ipus ban maging bandi mu. At mibantug ka king mabilug a yatu uli na ning maragul at makapagmulalang bage depat mu para karing memalen mu antimo ing pamanabi mu karing paganu at karing kikilalanan dang dios. Ikit da iti ring taung inatbus mu king Ehipto.

Ding Dalit 105:38

Metula ya ing Ehipto king paglako ra, uling kabang atyu la pitatakutan da la.

Ding Dalit 74:2

Ganakan me ing kekang balen a pinili mu king panaun a maluat nang milabas, ing lahi a kekang linigtas king panga-alipan maging sarili mung mana; ganakan me ing Bunduk ning Zion a king misan meging kekang tuknangan.

Ding Dalit 89:14

Ing hustisia at katuliran ila ding asias ning kekang kayarian; ing lugud at katapatan mayayakit king sabla mung daraptan.

Exodo 11:7

Maging ding asu e ra la kaungan ding Israelita o kaya ding sese rang animal. Kanita yu akilala king aku, ing Ginu, gagawa kung pamiyaliwa da ring tau Ehipto karing tau Israel.

Exodo 15:13

Kekang pengaku kekang tutuparan, inya ing balen a kekang segipan keka yang pitnubayan, at linub king bansa mung banal.

Exodo 15:5

Tikpan na la ning maragul a alun ning dagat; anting batu limbug lang agad king kalalalaman.

Exodo 15:6

Ing gamat mung wanan, O Ginu, makasdan ing upaya na, sablang kalaban panaspakan na la.

Exodo 18:8

Sinabi nang Moises kang Jetro ing sablang depatan na ning Ginu king ari, at karing memalen na ning Ehipto ban iligtas na la ring Israelita. Belita na naman ing kasakitan a pekiarapan da kabang dalan at nung makananu na lang linigtas ning Ginu.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 23:20

Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu.

Exodo 23:22

Nung mamintu kayu king tubud kung anghel at daptan ing sablang utus ku, maging kalaban da ku ring kalaban yu.

Exodo 23:27

Papagalgalan ku la ring taung lumaban kekayu, at mabalisa la ring sablang balen king paniatang yu; paurungan ku la at papulayan ding kalaban yu.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Isaias 51:10

Ika ing pepakati king dagat, at ginawang dalan libutad ning danuman, ban makadalakit la detang kekang liligtas.

Isaias 63:12

Nu ya karin ing Ginung ginamit king upaya na at dinapat makapagmulalang bage king kapamilatan nang Moises; sigsag ne ing danum ning dagat at tinaid na la ding memalen na libutad ning malalam a danuman ban akua na ing alang kapupusan a kabantugan para king sarili na? Alipatan de ing dagat king pamanimuna na ning Ginu karela, anti lang kabayung malyap; e la bitasang misakab.

Jeremias 31:11

Gewa ku lang malaya ding memalen ning Israel, at linigtas ibat king bansang mayupaya.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Ding Dapat 20:28

Ingatan yu sa ing kekayung sarili at ing mabilug a kawan a binili na ning Banal a Espiritu king kekayung kapanibalan. Pastulan ye sa ing iglesia na ning Dios a pemuhunan na king mismung daya na ning Anak na.

Deuteronomio 11:25

Ala metung man a malyaring makalaban kekayu, uling atdanan na lang takut at bage makapangilabut ding sablang bansang luban yu. Iti ya ing pengaku na kekayu.

Deuteronomio 2:25

Magumpisa ngening aldong iti mitakutan la kekayu ding tau nu la man karin. Galgal la king takut kabud damdaman de ing lagyu yu.

Deuteronomio 2:4

Sabian mu karing tau king dumalan la king Seir, ing gabun da ring kamaganak yu a lahi nang Esau. Mitakutan la kekayu, oneng mingat kayu karela.

Deuteronomio 32:6

Makanyan wari ing ablas yu king Ginu, ikong mangmang at alang isip a tao? Aliwa wari ya ing tata yung linalang kekayu, at ing tata yung matatag migdipensa kekayo?

Deuteronomio 32:9

Uling ing dake ning Ginu ya ing pili nang balen; i Jacob a bandi nang pakamalan.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Josue 2:9

at ngana karela, Balu ku king binie ne kekayu ning Ginu iting kayarian. Tatakut la kekayu ding sabla keti king kayarian.

Josue 4:24

Inya abalu da ring sabla keti king yatu ing degulan na ning upaya ning Ginu, at ikayu igalang ye ing Ginung kekayung Dios angga king alang kapupusan.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

2 Pedro 2:1

Nung makananu kanitang minunang panaun ating linto propetang e tutu karing tau Israel, makanyan munaman ating lunto e tutung talaturu libutad yu. King karelang kabiasnan, ituru da kayu king e tutu a makasira king kekayung kasalpantayanan. Tanggian de ing Ginung migligtas karela angga king miras karela ing kapahamakan a e ra isip-isipan.

1 Samuel 2:9

Ingatan no ning Ginu ding tapat, oneng ding e mayap mate la libutad ning karalumduman. E na sa pangara ning tau ing sikanan na.

1 Samuel 25:37

Pangayabak e ne malasing i Nabal at belita na la ning asawa na deting bage. Meyataki ya at e ne makagalo.