Exodo 15:15 - Ing Mayap a Balita Biblia

¹⁵ Mebalisa la ding manimuna ning Edom; pekapun ning Moab ginalgal la king takut, at meina la lub ding tau Canaan.

Exodo 15:15 Iomraidhean Croise

Genesis 36:15

Oreti ding tribu a lahi nang Esau. Anak na lang Elifas a pangane nang Esau: di Teman, Omar, Zefo, Kenaz,

Genesis 36:16

Kora, Gatam, at i Amalek. Ila deti ring pekapun da ring anak nang Elifas karin Edom. Ila ring lahi nang Esau kang Ada.

Genesis 36:40

Ila deti ring lagyu da ring tribung lahi nang Esau, agpang karing pamilya ra at pitutuknangan: di Timna, Alva, Jetet,

2 Samuel 17:10

Inya mitakutan ya ing matapang dili karing sundalus a kasing tapang ning leon uling balu na ning mabilug a Israel king matapang yang sundalus i tata yu at matapang la naman ding sundalus a kayabe na.

Ding Dalit 48:5

Oneng mebigla la inyang karela yang ikit; mitakutan la't meko'ng mirarapal.

Ding Dalit 68:2

Nung makananung mipapaid ing asuk, makanyan na la namang ipaid; anting kandilang malalaso king api, makanyan lang malaso ding darapat e mayap king arap na.

Isaias 13:7

Mangalambut la at mina ya lub ing metung at metung.

Isaias 19:1

Iti ya ing mensahi tungkul king Ehipto. Mamirapal yang datang ing Ginu king Ehipto. Makasake ya king mabilis a biga. Inya galgal la arap na ding idolo da ring tau Ehipto at masira la lub ding memalen na.

Jeremias 49:23

Iti ya ing sinabi na ning Ginu tungkul king Damasco: Maliligalig la ding memalen da ring siudad na ning Hamat at Arpad uling abalitan da ing e mayap a balita. Mengari king alun ning dagat ing kaligaligan a daratang karela at e la mipaindatun.

Ezekiel 21:7

Potang ikutang da keka obat sasaingsing ka, ipakibat mu king ing sangkan ya ing balitang daratang. Potang miras na iting balita, mangatmu la ding pusu ra king takut, mangalambut la ding gamat da, mina la lub, at galgal la ding tud da. Dinatang na ing oras, atyu na keti. Ing Ginung Dios ya ing migsalita.

Nahum 2:10

Melasak ya ing siudad ning Nineve, ala yang katau-tau! King takut malalaso lang pusu; gagalgal la ding tud, sikanan mebating; maputla lang karelang lupa.

Habakuk 3:6

Potang tuknang ya, yatu mamayun ya; at potang maglalawe ya, bansa gagalgal la. Ding alang anggang kabundukan misalbag la ngan; ding alang kapupusan a bunduk-bundukan lalbug la, ding bunduk-bundukan a delanan na kanitang minunang panaun.

Habakuk 3:7

Ikit ku lang mitakutan ding memalen ning Cusan, at gagalgal ding tau king Midian.

Deuteronomio 2:4

Sabian mu karing tau king dumalan la king Seir, ing gabun da ring kamaganak yu a lahi nang Esau. Mitakutan la kekayu, oneng mingat kayu karela.

Deuteronomio 20:8

Sabian da naman ding pamuntuk ing anti kaniti, Pota galang ating maina lub kekayo at tatakut? Nung atin, malyari yang muli, uling pota ayawa na la pa ring aliwa.

Josue 14:8

Ding lalaking minta a kayabe ku pematakutan da la ring kabalen tamu. Oneng memintu ku king Ginu a kakung Dios king mitmung katapatan.

Josue 2:11

Kabud abalitan mi iti, mengakarugan ke ngan a salu uli yu at milako kami sikanan lub uling ing Ginung kekayung Dios ya ing Dios ning banua at yatu.

Josue 2:24

Kanita ngara kang Josue, Binie ne pin ning Ginu king gamat tamu ing mabilug a kayarian. Maragul ing takut da kekatamu ding manuknangan karin.

Josue 2:9

at ngana karela, Balu ku king binie ne kekayu ning Ginu iting kayarian. Tatakut la kekayu ding sabla keti king kayarian.

Josue 5:1

Abalitan da ring sablang aring Amoreo dane albugan na ning Jordan at ding sablang aring Cananeo king bebe ning Dagat ning Mediteraneo king pepamala ne ning Ginu ing Ilug ning Jordan anggang e la mekadalakit ding memalen na ning Israel. Mitakutan la at mesira la lub arapan da ring Israelita.

1 Samuel 14:16

Ikit da ring guardia nang Saul karin Gibea a sakup ning Benjamin king ating labanan.