Exodo 15:10 - Ing Mayap a Balita Biblia

¹⁰ Oneng, Ginu, king metung mung pangisnawa, dagat karela mitakup ya, at ding tau Ehipto melumud la; anting tinggaputi king danuman limbug la.

Exodo 15:10 Iomraidhean Croise

Genesis 8:1

E ne kelinguan ning Dios i Noe at ding sablang animal a kayabe na king barku. Pepatiupan ne ning Dios ing angin babo na ning yatu at megumpisang kinati ing danum.

2 Samuel 18:8

Miras ing labanan king kaparangan, at mas dakal la ring mete king kagubatan kesa karing mete king labanan.

Nehemias 9:11

Pinitna me ing dagat king akakit da; king malanging gabun libutad ning dagat karin la linakad, at detang tatagal karela anti lang batung pepalbug mu king kalalaman na.

Ding Dalit 135:7

Ya ing paratang king biga ibat karing suluk ning yatu; ya ing pasari king kildap neng babagyu, at papalual king angin king keyang pisisinupan.

Ding Dalit 147:18

Potang mutus ya, malalaso ing yelu; payanginan na at magus ya ing danum.

Exodo 14:21

Inatiat neng Moises ing gamat na babo na ning dagat, at sepulan ne ning Ginu ing dagat king kapamilatan na ning masikan a angin ibat aslagan. Kabukas yang e pepatugut tutiup iting angin at mika malanging gabun king dagat.

Exodo 15:5

Tikpan na la ning maragul a alun ning dagat; anting batu limbug lang agad king kalalalaman.

Ding Kasebian 30:4

Ninu na mo ing minukiat banua at kaybat kinuldas ya? Ninu na mo ing mekasakmal king angin o king lampin binalut na ing danum? Ninu na ing mekabili karing angganan na ning yatu? Ninu ya at nanu ya lagyu ing anak na? Siguradung balu me.

Isaias 11:15

Papamalan ne ning Ginu ing dagat ning Ehipto at padala yang mapaling angin ing Ginu ban langi ya ing Ilug ning Eufrates. Mitagan la ding pitung malating batis ban makadalakit ya karin ing ninuman.

Jeremias 10:13

King amanu na bibiung ing dakal a danum karing banua; peparala na lang biga ibat karing wakas ning yatu. Gagawa yang kildap ban kislap libutad ning uran, at tutubud na ing angin ibat king silid nang pisisinupan.

Jeremias 46:17

Dinan yeng bayung lagyu ing ari ning Ehipto Mainge, Mayabang, at Minyira king malagu nang oras.

Amos 4:13

Ing Dios ya ing linalang karing bunduk at king angin. Pabalu na karing tau ing isipan na; alilan ne ing aldo king bengi. Lalakad ya angga na karing wakas ning yatu. Iti ya ing lagyu na: Ginung Dios a Mayupaya!

Mateo 8:27

Mengapamulala la ngan at ngarang sinabi, Nanu yang klasing tau iti? Pati angin at alun mamintu keya!

Deuteronomio 11:4

Ikit yu itang depat na karing sundalus na ning Ehipto, karing kabayu ra at karung panggera inyang pepalbug na la at linumud king Dagat da ring Timbu kabang tatagal la kekayu.