Exodo 15:1 - Ing Mayap a Balita Biblia

¹ Kanita ne kintang Moises at ding Israelita iting kanta para king Ginu. Ngara: Pagkanta ke ing Ginu, uling king pamakilaban migkamit yang tagumpe; ding kabayu at ding karela pakasake king dagat na la inugse.

Exodo 15:1 Iomraidhean Croise

Nehemias 9:11

Pinitna me ing dagat king akakit da; king malanging gabun libutad ning dagat karin la linakad, at detang tatagal karela anti lang batung pepalbug mu king kalalaman na.

Job 36:24

Alang tuknang a pamipapuri king Dios karing gagawan na; ika man purian me.

Ding Dalit 105:43

Inya linual ne ing balen na; ding taung pinili na magkanta la, at kukulisak la king tula da.

Ding Dalit 106:12

Kanita ing balen Israel meniwala ya king amanu na, at migkantang kapurian king Ginu.

Ding Dalit 107:15

Uli ning alang kupas a lugud na, ing Ginu kailangan deng pasalamatan, alang-alang karing milagrung depat na para karela ngan!

Ding Dalit 107:8

Uli ning alang kupas a lugud na, ing Ginu kailangan deng pasalamatan, alang-alang karing milagrung depat na para karela ngan!

Ding Dalit 32:7

Ika, Ginu, ing kakung salikutan; liligtas mu ku king oras ning kaligaligan. Padurutnan mu kung kaligtasan.

Ding Dalit 76:6

O Dios nang Jacob, inyang keka lang sebianan, ding kabayu at ding pakasake kareti mete la ngan.

Ding Dalit 76:7

Oneng ika, Ginu, pitatakutan da kang e makanyan-kanyan! Ninung mangangas talakad king kekang arapan potang ing mua mu mikakalatang?

Exodo 14:26

Ngana ning Ginu kang Moises, Iyatiat me ing gamat mu tulid na ning dagat at mitakup ing danum karing tau Ehipto at karing karelang karung panggera ampon karing pakasake kareti.

Exodo 14:27

Inya inatiat neng Moises ing gamat na tulid na ning dagat. Inyang sasala na migbalik ing danum king sadia nang katas. Migkapilit lang aligtasan da ring tau Ehipto ing danum, oneng tinulak na la ning Ginu king dagat.

Exodo 15:21

Migkanta ya i Miriam para karela. Ngana: Pagkanta ye ing Ginu, uling mitmung dangal ing pamagtagumpe na; ding kabayu at ding karela pakasake king dagat na la inugse.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Ding Kasebian 29:6

Mararakap ya ing taung e mayap king kasalanan a keyang depat, oneng ing taung mayap makapagkanta ya at masaya ya.

Isaias 42:10

Magkanta kayung bayung kanta king Ginu; ing kapurian na ikanta yu king yatu! Purian ye, ikong maglayag king dagat; purian ye, ikong sablang lelangan a atyu king danuman! Magkanta kayu, ikong marayung pulu at ikong sablang manuknangan ken!

Jeremias 51:21

ban lasawan lang kabayu at ding makasake karela, paglatian lang karung panggera at ding magmanehu karela,

Hosea 2:17

E ku ne kapilan man paintulutan banggitan ne pa ing lagyu nang Baal.

Habakuk 3:18

matula ku pa mu rin at masaya, uling ing Ginung Dios ya ing kakung talapagligtas.

Ding Bilang 21:17

Kanita kinta de ring Israelita iting kanta: Sumibul ka, O talaga, at kanta ing kekeng isalubung king kekang danum

Colosas 2:15

At king krus a ita linupig na lang Cristo ding pamuntuk at upayang espiritual. Gewa na lang piyalben ning balen inyang linimbun na la kagulutan na kaybat ning pamagtagumpe na.

Kapahayagan 15:3

Kakanta de ing kanta nang Moises a talasuyu na ning Dios, at ing kanta na ning Kordero. Ngana, O Ginung Dios a Mayupayang tutu, marangal la at makapagmulala ding kekang dapat! O Ari ding bansa, matulid la at katutuan ding kekang dalan!