Exodo 14:8 - Ing Mayap a Balita Biblia

⁸ Pepasiasan ne pusu ning Ginu ing ari, inya tegalan na la ning ari ding Israelita a kanita kasalukuyan matagumpe tatakas.

Exodo 14:8 Iomraidhean Croise

Ding Dalit 105:43

Inya linual ne ing balen na; ding taung pinili na magkanta la, at kukulisak la king tula da.

Ding Dalit 86:13

Tutung maragul ing alang kupas a lugud mu kaku; king malalam a kutkutan linigtas mu ku.

Exodo 10:27

Pepasias na ne naman a pusu ning Ginu ing ari, at e na la peintulutan mako ding Israelita.

Exodo 13:16

Metung yang pamigaganaka iting panugali; mengari ya king metung a bage tinali tamu king kekatamung gamat o kaya karing kanuan tamu ban ipaganaka na kekatamu king liwal na katamu ning Ginu king Ehipto uli na ning maragul nang upaya.

Exodo 13:18

Inya, dinalan na la king makaba at durut-durut a dalan libutad na ning disyerto papunta king Dagat da ring Timbu. Pakasandata la at makasadiang makilaban ding Israelita.

Exodo 13:9

Maging kapigaganakan ya iting selebrasyun; mangari ya king metung a bage tinali yu king gamat yu o kaya king kanuan yu, at ipaganaka na kekayu king alang patugut yeng kikilalanan at pagaralan ing Batas ning Ginu, uling liwal na kayu ning Ginu ibat king Ehipto king kapamilatan na ning maragul nang upaya.

Exodo 14:17

Pasiasan ku la lub ding tau Ehipto ban dulung la naman para tagal kekayu, at kaybat mirangal ku king kapamilatan na ning pamagtagumpe ku king ari, karing sundalus na, karing karung panggera na, at karing pakasake kareti.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 14:7

Linual yang kayabe da ring sabla nang karung panggera at pati na ding anam a ralan a primera klasing sundalus a panimunan da ring opisyal da.

Exodo 15:9

Ngana ning kalaban, Tagalan ku la at dakpan, sablang karelang pibandian kakung samsaman, at sabla kung aburi kakung kuanan; kakung espada kaku yang bagutan, ba kung kuanan ing sabla rang pibandian.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 6:1

Kanita ngana ning Ginu kang Moises, Akit mu mu rin nung nanu ing daptan ku king ari. Mapilit yang palakuan na la. Puersan keng itabi na la king kayarian na.

Exodo 9:12

Oneng pepasiasan ne pa mu rin a pusu ning Ginu ing ari, antimo ing sinabi na kanita, at e ya mu rin mebisang makiramdam ing ari kari Moises at Aaron.

Ding Tagulele 3:65

Isumpa mu la, at ing kapanayan ilako mu karela!

Levitico 26:13

Aku ing Ginung kekayung Dios; aku ing milual kekayu ibat Ehipto ban e na kayu ma-ipus pang pasibayu karela. Pitlud ku la ding tanikalang bakal da kekayu; inya talakad kayung mitmung dangalan.

Ding Bilang 33:3

Megumpisa lang miglakbe inyang likuan de ing Rameses ning Ehipto inyang kalabing limang aldo na ning mumunang bulan, itang aldo kaybat ning Pamaglagpus. King akakit da ring tau Ehipto, meko lang mitmung tepangan.

Ding Dapat 13:17

Pinili na la ning Dios da reting Israelita ding kekaming makatua, at gewa na lang marangal a bansa ding kekaming kalahi kanitang atyu la pa antimong dayuan karin Ehipto. Linual na la ning Dios karin Ehipto king kapamilatan na ning maragul nang upaya,

Deuteronomio 26:8

Linigtas na kami ibat Ehipto king kapamilatan na ning upaya na, ning bage makapangilabut, at dapat a pagmumulalan.

Deuteronomio 32:27

oneng kakung pigaganakan a pota karelang kalaban karelang sabian, Ikami ing ginisan karela at aliwa ing Dios da.

Josue 11:20

Peintulut na karela ning Ginu ing mika sikanan lang lub lumaban maigpitan karing Israelita ban kanita lubus lang mawala at mate alang lunus, makayagpang king inutus na ning Ginu kang Moises.

Ukum 4:7

Ilual ke i Sisera, ing pekapun da ring sundalus nang Jabin, ban milaban kayu king Ilug ning Kison. Atin yang karung panggera at sundalus oneng sambutan me!