Exodo 14:7 - Ing Mayap a Balita Biblia

⁷ Linual yang kayabe da ring sabla nang karung panggera at pati na ding anam a ralan a primera klasing sundalus a panimunan da ring opisyal da.

Exodo 14:7 Iomraidhean Croise

Genesis 50:9

Atin la namang kayabe paka-karwahe at pakasake kabayu. Tutu lang dakal ding tinuki kang Jose.

Ding Dalit 20:7

Manalig lang aliwang tau karing karung panggera o karing kabayu da; ikami manalig ke king lagyu ning Ginu.

Ding Dalit 68:17

Kayabe ding libu-libu nang matibe karung panggera king Sinai ing Ginu meko ya, ban king banal a lugal ya munta.

Exodo 14:23

Tinagal la karela ding tau Ehipto angga king dagat a kayabe ding sabla rang kabayu, karung panggera at ding pakasake kareti.

Exodo 14:6

Pekiduang ne ning ari ing karu nang panggera at pepagsadian na la ding dakal nang sundalus.

Exodo 14:8

Pepasiasan ne pusu ning Ginu ing ari, inya tegalan na la ning ari ding Israelita a kanita kasalukuyan matagumpe tatakas.

Exodo 15:4

Ding sundalus ning Ehipto at ding karung panggera na ampon ding mayap diling opisyal na melumud la inyang pepalbug na la ning Ginu king Dagat da ring Timbu.

Isaias 37:24

Tinubud mu la ding kekang talasuyu ban ipagmayabang mu kanaku king ika at ding sabla mung karung panggera ikua mu lang selakayan ding matas diling bunduk na ning Lebanon. Pigmayabang mu pa king kinutud mu la ding matas diling tanaman a sedro at ding masanting diling tanaman a sipres at king ikua mu lang disan ding pekasuluk nang diling dake ding gubat.

Ukum 4:15

Inyang linusub ya i Barak at ding sundalus na, king saup na ning Ginu mengagulugulu ya i Sisera at ding sablang karu na at sundalus. Kinuldas ya i Sisera king karu na at tinakas ya.

Ukum 4:3

Atin yang siam a ralan a karung panggera i Jabin, at kilub ding aduang pulung banua gipitan na la ding tau Israel king mitmung bigsikan. Kanita sinaingsing lang meniawad saup king Ginu ding memalen na ning Israel.