Exodo 14:4 - Ing Mayap a Balita Biblia

⁴ Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 14:4 Iomraidhean Croise

Nehemias 9:10

Ginawa kang bage pagmumulalan laban king karelang ari, karing pamuntuk at memalen na, uling pigbagsikan da la ring kekaming makatua. At ing Lagyu mu angga ngeni pikabaluan ya.

Exodo 10:2

at ban akua mung asabi karing anak yu at karing apu yu nung makananu ku lang pepalto mangmang ding tau Ehipto inyang gewa ku la deting bage pagmumulalan; ban akilala yu ngan king aku ing Ginu.

Exodo 10:27

Pepasias na ne naman a pusu ning Ginu ing ari, at e na la peintulutan mako ding Israelita.

Exodo 12:28

Kaybat na nita, minuli na la at tiparan da itang inutus na ning Ginu kari Moises at Aaron.

Exodo 14:23

Tinagal la karela ding tau Ehipto angga king dagat a kayabe ding sabla rang kabayu, karung panggera at ding pakasake kareti.

Exodo 14:25

Pepaburen na lang mengabara-bara ding parugang da ring karelang karung panggera, inya migkakasakit lang sinulung. Ngarang mekasabi ding tau Ehipto, Ing makilaban kekatamu ya ing Ginu at aliwa ding Israelita. Tara, mako ta na keti!

Exodo 14:3

Isipan na ning ari king mengalili kayu; e yu balu nung nu kayu marap uling makasaluput kayu king disyerto.

Exodo 14:5

Inyang abalitan na ning ari na ning Ehipto king ikua ra nang mekatakas ding Israelita, ya ampon ding tauan na migbayu la isip. Ngara, Nanu iting depatan tamu? Pepaburen ta lang mekatakas ding Israelita. Ngeni ala ta nang ipus a sumuyu kekatamu!

Exodo 14:8

Pepasiasan ne pusu ning Ginu ing ari, inya tegalan na la ning ari ding Israelita a kanita kasalukuyan matagumpe tatakas.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Exodo 7:17

Ngeni, Makamal a Ari, pasabi na ning Ginu king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Exodo 7:3

Oneng pasiasan ke pusu ing ari at e na ka pakiramdaman agyang nu pa anti karakal ing daptan kung miyayaliwang makapagmulalang bage karin Ehipto.

Exodo 7:5

Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Exodo 9:16

Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Ezekiel 20:9

Oneng e ku depat ita ban e ya milako dangalan ing lagyu ku, uling king durungutan da ring taung kayabe da belita ku king Israel king tairan ku lang lumual Ehipto.

Ezekiel 28:22

Sabian mu karing memalen karin, king aku, ing Ginung Dios, ngakung magsalita karela: Sidon, aku ing kekang kalaban; purian da ku ding tau uli na ning daptan ku keka. Abalu ra king aku ing Ginu potang ipakit ku nung makananu kung banal king kapamilatan na ning pamamarusa ku karetang manuknangan keka.

Ezekiel 32:15

Potang gawan ku neng alang ulagang bansa ing Ehipto at apate ku na la ding sablang manuknangan karin, kanita ra akilala king aku ing Ginu.

Ezekiel 38:16

Lusuban me ing balen kung Israel anti ing bigang tatakap king kabilugan a bansa. Potang datang na ing oras a ita, itubud da ka ban lusuban me ing kanakung bansa, ban ipakit ku karing bansa nung ninu aku, ban ipakit ku ing kanakung kabanalan king daptan ku king kapamilatan mu.

Ezekiel 38:23

King anti kaniting paralan ku ipakit karing sablang bansa king aku ing mayupayang dili at king aku banal ku. Kanita ra akilala king aku ing Ginu.

Ezekiel 39:13

Sumaup ya ing metung at metung king bansa ban mikutkut la at uli na niti miparangalan la deti king aldo ning pamagtagumpe ku. Aku, ing Ginung Dios, ing migsalita.

Levitico 10:3

Nganang migsalitang Moises kang Aaron, Oyan ing amanuan na ning Ginu kanitang sinabi nang Sukat dang kilalanan ding sablang lalapit kanaku king banal ku, at ihayag ku ing kamalan ku arapan da ring tau. Oneng menatili yang e bubulad i Aaron.

Roma 11:8

Antimo ing sasabian na ning kasulatan, Pepasias na la pusu ning Dios at pepaburen na lang mepurul a kaisipan; angga man king aldong iti e la manakit ding mata ra, at e la makaramdam ding balugbug da.

Roma 9:17

Uling nganang migsalita ning kasulatan king ari ning Ehipto, Gewa da kang ari ba da kang kasangkapanan king pamipakilala ku king kanakung upaya, at king pangahayag na ning kanakung lagyu king mabilug a yatu.

Roma 9:18

Inya dinan neng lunus ning Dios itang buri nang dinan at pasiasan ne buntuk itang buri na.

Josue 11:20

Peintulut na karela ning Ginu ing mika sikanan lang lub lumaban maigpitan karing Israelita ban kanita lubus lang mawala at mate alang lunus, makayagpang king inutus na ning Ginu kang Moises.

Ukum 4:7

Ilual ke i Sisera, ing pekapun da ring sundalus nang Jabin, ban milaban kayu king Ilug ning Kison. Atin yang karung panggera at sundalus oneng sambutan me!