Exodo 14:16 - Ing Mayap a Balita Biblia

¹⁶ Itas me ing tukud mu babo ning dagat at mepidua ing danum; malyari na la kanitang makadalan ding Israelita babo na ning gabun a malangi libutad ning dagat.

Exodo 14:16 Iomraidhean Croise

2 Ari 4:29

Nganang Eliseo kang Gehazi, Gayak ka. Idala me ing tukud ku at agad na kang mako ban ipatung me ing tukud king lupa na ning mete anak. E mu ne atuan ing ninumang akasalubung mu keng dalan at e mu ne papansinan ing ninumang manatu keka.

Exodo 14:15

Ngana ning Ginu kang Moises, Obat ala kang patugut mamaus pasaup? Sabian mu karing tau king isulung da na ing lakad da!

Exodo 14:26

Ngana ning Ginu kang Moises, Iyatiat me ing gamat mu tulid na ning dagat at mitakup ing danum karing tau Ehipto at karing karelang karung panggera ampon karing pakasake kareti.

Exodo 17:5

Ngana ning Ginu kang Moises, Mituki kang mapilan karing manimuna na ning Israel at muna na kayu karing tau. Idala mia naman itang tukud a pemarug mu king Ilug ning Nilo.

Exodo 17:6

Talakad ku arapan yu king metung a batung maragul karin king Bunduk ning Sinai. Pukpukan me ing batung ita, at sumibul karin ing danum a ainum da ring tau. Depatan nang Moises ita king akakit da ring manimuna na ning Israel.

Exodo 4:17

Idala me ing kekang tukud-pastul a kekang gamitan ban makagawa kang bage pagmumulalan.

Exodo 4:2

Nanu ya ing tatalnan mu? nganang kinutang ning Ginu. Tukud ya pung pastul, nganang mekibat Moises.

Exodo 4:20

Inya tiki neng Moises ing asawa na at ding anak nang lalaki. Seke na la king asno at meko na lang papunta Ehipto; pidala-dala ne itang tukud-pastul a inutus ning Dios a idala na.

Exodo 7:19

Ngana ning Ginu kang Moises, Sabian mu kang Aaron king kuanan ne ing tukud na at itulid ne karing sablang ilug, karing paligi, at karing paranum king mabilug a Ehipto. Maging daya ing danum; mika daya karing barilis at tapayan king mabilug a Ehipto.

Exodo 7:9

Nung aduan ning ari ing patunayan yu ing kekong sarili king kapamilatan ning pamaniapat metung a bage pagmumulalan, sabian mu kang Aaron king kuanan ne ing tukud na at iyatsa ne king arapan ning ari at maging ubingan ya.

Isaias 10:26

Aku, ing Ginung Mayupaya, barugan ku la king kanakung pamarug antimo nung makananu ku lang berugan ding memalen na ning Midian king Batu ning Oreb. Parusan ke ing Asiria antimo inyang pepasakitan ke ing Ehipto.

Habakuk 3:8

Ginu, ding ilug wari ila ding keka pepamua? Ing dagat kaya ya ing mekapamua keka? Karing babo ding biga ka makasake; ing bagyu yang kekang karwahe; kabang ing kekang balen pagdala meng tagumpe.

Ding Bilang 20:11

Kaybat na nita, tinas neng Moises ing tukud at saka ne berug mekatadua ing batu at minagus ing dakal a danum. Minum la ngan ding tau at ding sese rang animal.

Josue 8:18

Ngana kanita ning Ginu kang Josue, Ituldu me ing tandus mu king Ai; uling ibie ke keka. Memintu ya i Josue.