Exodo 14:11 - Ing Mayap a Balita Biblia

¹¹ Ngara kang Moises, Ala waring kutkutan karin Ehipto? Obat dela mu ke pa mu keti king disyerto ban keti mangamate? Lawan mu ngeni ing pepasari mu king pamilual mu kekami karin Ehipto!

Exodo 14:11 Iomraidhean Croise

Genesis 43:6

Nganang Israel karela, Sinabi yu pa kasi king atin kayung aliwa pang kapatad. Ngeni aku ing magdusa!

Exodo 13:17

Kanitang pepaburen na na lang meko ning ari na ning Ehipto ding Israelita, e na la dinalan ning Dios ketang dalan a papunta Filistia, agyamang iti ya ing makuyad diling dalanan. Ngana ning Dios, E ku buring magbayu la isip ding Israelita at magbalik pa Ehipto potang akit da na ing kailangan lang makilaban.

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Exodo 5:21

Ngarang sinabi kang Moises at Aaron, Saksi ya ing Ginu king pepasari yu at parusan na kayu; king uli yu akasaman na kami ning ari ampon ding opisyal na. Anti yu na lang dininan matulid ban pamaten da kami.

Exodo 5:22

Pasibayu yang linapit i Moises king Ginu at ngana, Ginu, obat paburen yu lang misasakitan ding taung pinili yu? Obat tiburan yu ku pa karela?

Ding Bilang 11:1

Migreklamu la king Ginu ring memalen na ning Israel uli na ning kasakitan a delanan da. Inya mimua ya karela ing Ginu. King mua na karela pepauran yang api, at digpa king metung nang maragul a dake ning lugal nung nu la migkampu.

Ding Bilang 11:15

Nung makanyan mu rin ing tratu yu kanaku, mayap pa ing paten yu na ku ngeni mu rin ban milako na kanaku ing kapahamakan.

Ding Bilang 14:22

ala metung man kareting taung menakit king upaya ku at ding bage pagmumulalan a depat ku king Ehipto at king disyerto at paulit-ulit maniubuk kanaku at e bisang makiramdam kanaku

Ding Bilang 16:41

Itang kabukasan, migreklamu la ring memalen na ning Israel laban kari Moises at Aaron. Ngara, Pete yu la ring mapilan karing talasuyu na ning Ginu.