Exodo 14:10 - Ing Mayap a Balita Biblia

¹⁰ Inyang ikit da ring Israelita king ing ari at ding dakal nang sundalung daratang lang palusub karela, mitakutan lang e mu nanu, at kinulisak lang pasaup king Ginu.

Exodo 14:10 Iomraidhean Croise

2 Cronica 18:31

Inyang ikit de i Aring Jeosafat bala ra king ya ing ari na ning Israel; inarapan de at lisuban. Oneng kinulisak ya i Jeosafat, at linigtas ne ning Ginung Dios at tinuknang lang tatagal ding kalaban na.

Nehemias 9:9

Ikit mu ing kasakitan a delanan da ring kekaming makatua karin Ehipto; ing karelang aus dimdam mu inyang atyu la king Dagat da ring Timbu.

Ding Dalit 106:44

Makanyan man pekibatan na la inyang minaus la, at lunus karela binie na.

Ding Dalit 107:13

Kanita minaus la king Ginu king kasakitan da, at linigtas na la king gipit dang kabilian.

Ding Dalit 107:19

Kanita minaus la king Ginu uli ning kasakitan a karelang daralanan, at linigtas na la king gipit dang kabilian.

Ding Dalit 107:28

Kanita minaus la king Ginu uli ning kasakitan a karelang daralanan, at linigtas na la king gipit dang kabilian.

Ding Dalit 107:6

Kanita minaus la king Ginu, uli ning kasakitan a karelang daralanan, at linigtas na la king gipit dang kabilian.

Ding Dalit 34:17

Neng mamaus lang taung matulid, pakiramdaman na la ning Ginu, at liligtas king sabla rang problema.

Ding Dalit 53:5

Oneng king takut galgal lang alang kalupa, uling ing Dios ikalat na la butul ding kalaban ning balen na; tinggian na la ning Dios.

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Exodo 13:17

Kanitang pepaburen na na lang meko ning ari na ning Ehipto ding Israelita, e na la dinalan ning Dios ketang dalan a papunta Filistia, agyamang iti ya ing makuyad diling dalanan. Ngana ning Dios, E ku buring magbayu la isip ding Israelita at magbalik pa Ehipto potang akit da na ing kailangan lang makilaban.

Exodo 15:25

Menalangin yang taimtim i Moises king Ginu, at tiru ne ning Ginu ing metung a kapirasung dutung. Inyang inatsa neng Moises king danum, milako pait ing danum. Karin na la binie ning Ginu ding utus a tuntunan da king pamibiebie ra at karin na la naman pinyubukan.

Isaias 26:16

O Ginu, ding taung kekang pinili keka lang pepagdusan, at king karelang kasakitan ika ing karelang ausan.

Isaias 7:2

Miras ing balita king ari na ning Juda king atyu na la ding sundalus na ning Siria king sakup ning Israel. Mitakutan ya ing ari at pati na ding taung sasakupan na. Ginalgal lang anting tanaman a tuturan na ning masikan a angin.

Jeremias 22:23

Panatag kayu bili karing pibalebale yung megawa karing dutung a sedrong ibat king Lebanon, oneng potang datangan na kayu ning sakit, makalunus ing maging kararasan yu, sakit a kalupa ning babai king oras ning pamanganak na.

Deuteronomio 9:7

Ganakan yu at kapilan man e yu kakalinguan king pepamua ye karin king disyerto ing Ginung kekayung Dios. Sasalangsang kayu manibat na kanitang meko kayu king bansang Ehipto angga na king aldo a miras kayu keti.

Josue 24:6

Liwal ku la Ehipto ding makatua yu, at penagal da la ring tau Ehipto a pakakarung panggera at pakakabayu. Inyang miras la ding makatua yu king Dagat da ring Timbu

Josue 24:7

minaus lang meniawad saup kanaku at binili ku ing dalumdum pilatan da at ding tau Ehipto. Peparatang ku ing danum at linumud ku la ding tau Ehipto. Ikit yu nung nanu ing gewa ku king Ehipto. Menuknangan kayung maluat king disyerto.

1 Juan 4:18

Ala yang kayabe takut ing lugud, uling tatabi na ning ganap a lugud ing takut. E pa ganap ing lugud na ning ninumang ating takut, uling ing takut kakambal ne ning kaparusan.