Exodo 13:9 - Ing Mayap a Balita Biblia

⁹ Maging kapigaganakan ya iting selebrasyun; mangari ya king metung a bage tinali yu king gamat yu o kaya king kanuan yu, at ipaganaka na kekayu king alang patugut yeng kikilalanan at pagaralan ing Batas ning Ginu, uling liwal na kayu ning Ginu ibat king Ehipto king kapamilatan na ning maragul nang upaya.

Exodo 13:9 Iomraidhean Croise

Nehemias 1:10

Ila ding kekang talasuyu at ding sarili mung memalen. Ila ding linigtas mu king kapamilatan na ning kekang upaya at sikanan.

Ding Dalit 136:11

Liwal ne king Ehipto ing balen ning Israel; uling ing lugud na alang angga.

Ding Dalit 136:12

Liwal ne ing balen na kapamilatan ning mayupaya nang gamat; uling ing lugud na alang angga.

Ding Dalit 89:13

Tutu kang mayupaya at tutu kang masikan, at ing gamat mung wanan makayatiat ya.

Exodo 12:14

Sukat yeng pagselebran ing aldong iti bilang piestang parangal king Ginu ban e yu kalinguan ing depatan ku, ing Ginu. Pagselebran ye king kapilan pa man.

Exodo 12:41

Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:16

Metung yang pamigaganaka iting panugali; mengari ya king metung a bage tinali tamu king kekatamung gamat o kaya karing kanuan tamu ban ipaganaka na kekatamu king liwal na katamu ning Ginu king Ehipto uli na ning maragul nang upaya.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Ding Kasebian 1:9

uling ing karelang tuturu mengaring kupia at kwintas a munie dangalan keka.

Ding Kasebian 3:21

Anak ko, e mu sa paburen ing kekang kabiasnan at mayap a kaisipan; e mu paintulut ing mawala la keka.

Ding Kasebian 7:23

angga king ing paslu tinasak ya king pusu na. Mengari ya king ayup a tinuklu king bitag; e na balu king makapanganib ing bie na.

Ing Malagung Diling Kanta 8:6

Aku mung dili sana ing kekang luguran, aku mu sana ing kekang kaulan. Nung nu ya anti kayupaya ing kamatayan, ing lugud makanyan ya naman. Ing pangalalu mabagsik yang anti ing kutkutan; anti ya king aping gigisan.

Isaias 27:1

King aldong ita gamitan ne ning Ginung Mayupaya ing mataram nang espada ban parusan ne ing Leviatan, ing mabilis at liko-likong dragon. Paten ne iting lasip a manuknangan king dagat.

Isaias 40:10

Ing Ginung Dios daratang ya ban sumakup kapamilatan ning upaya; daralan na la ding taung linigtas na.

Isaias 44:5

Ing metung at metung karing tau sabian na, Bandi na ku ning Ginu. Datang la ban makiabe karing memalen ning Israel. Ikintal ne king takde na ning balang metung karela ing lagyu ning Ginu, at sabian na king metung ya karing pinili ning Dios.

Isaias 49:16

Jerusalem, kapilan man e ra ka malyaring kalinguan, sinulat ku ne ing lagyu mu karing palad ku.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.

Isaias 59:21

At gawa kung kasunduan kekayu: binie ku kekayu ing upaya ku at ding turu ku ban maging kekayu la king kapilan pa man. At pamintuan yu la manibat ngeni at ituru karing anak yu at karing lahi yu ban mamintu kanaku king kapilan pa man.

Jeremias 22:24

Ngana ning Ginu kang Aring Jeoiakin a anak nang Aring Jeoiakim ning Juda, Kabang aku ing mabie Dios, agyang ika pa ing singsing a panatak a susulud ku king wanan kung gamat, makanyan man ilukas da ka

Daniel 9:15

O Ginung kekaming Dios, pepakit mu ing kekang upaya king kapamilatan ning pamilual mu king kekang balen ibat Ehipto, at angga man ngeni e makakalinguan ing upaya mu. Mikasala kami; e mayap ing gewa mi.

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Ding Bilang 15:39

ban deting borlas, neng akakit da la, e la mangalinguan karing Kautusan na ning Ginu at pamintuan da la at aliwa ing sarili dang kapagnasan.

Mateo 23:5

Pakitang-tau mu ing sablang dapat da. Alben yu nung nu la pangalapad ding karelang pilakteria at pakakabakaba da la borlas ding karelang balabal.

Roma 10:8

Ing sasabian na anti kaniti: Malapit kekayu ing amanu na ning Dios, atyu karing labi yu at karing kekayung pusu, ngaku wari, ing kasalpantayanan a ipanaral mi kekayu.

Deuteronomio 30:14

Atyu mismu siping yu ing kautusan; atyu karing asbuk yu at karing pusu yu, inya mayan yang tuparan yu.

Deuteronomio 5:15

E yu sa kakalinguan king meging ipus kayu naman king Ehipto at aku, ing Ginung kekong Dios, linigtas da kayu karin king kapamilatan na ning kanakung upaya at sikanan. Inya inutus ku king ipangiling ye ing Aldo ning Sabbath.

Deuteronomio 6:21

ipakibat yu karela, Meging ipus na kami ning ari ning Ehipto at linigtas na kami ning Ginu king kapamilatan na ning upaya na.

Deuteronomio 6:6

E yu la kakalinguan deting kautusan na a sasabian ku ngeni kekayu.

Deuteronomio 6:8

Itali yu la karing takde yu at karing kanuan yu ban e yu la kalinguan.

Kapahayagan 18:8

Uli na niti, datang la king Babilonia king misan mung aldo ding salut: sakit, lungkut, at danup. At masilab ya king api, uling mayupaya ya ing Ginung Dios a mamatul king Babilonia.

Ukum 2:12

Kelinguan de ing Ginu, ing Dios da ring makatua da, ing Dios a milual karela ibat Ehipto, at megumpisa lang sinuyu karing aliwang dios, ding dios da ring taung makapadurut karela. Diku da la ring buntuk da kareting dios at pepamua re ing Ginu.