Exodo 13:3 - Ing Mayap a Balita Biblia

³ Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 13:3 Iomraidhean Croise

Genesis 15:16

King kapat a lahi magbalik la keti ding lahi mu uling kanita pa mu maganap ing alang kayapan da ring Amoreo, at sukat lang parusan.

1 Ari 8:42

a dinatang uli na ning pikabaluan mung lagyu at uli da ring makapagmulalang bage depat mu para karing kekang memalen. Nung datang ya keting Templo iting dayuan ban samba keka at manalangin,

1 Cronica 16:12

E yu la sana kakalinguan ding milagrung depat na, at ding sinabi nang kayatulan,

Nehemias 1:10

Ila ding kekang talasuyu at ding sarili mung memalen. Ila ding linigtas mu king kapamilatan na ning kekang upaya at sikanan.

Nehemias 9:10

Ginawa kang bage pagmumulalan laban king karelang ari, karing pamuntuk at memalen na, uling pigbagsikan da la ring kekaming makatua. At ing Lagyu mu angga ngeni pikabaluan ya.

Ding Dalit 105:5

E yu la sana kakalinguan ding milagrung gewa ning Ginu, at ding pisiag nang kayatulan,

Ding Dalit 114:1

Inyang ing Israel meko ya king Ehipto, kanitang ing lahi nang Jacob likuan de ing bansang dayuan,

Ding Dalit 136:11

Liwal ne king Ehipto ing balen ning Israel; uling ing lugud na alang angga.

Ding Dalit 136:12

Liwal ne ing balen na kapamilatan ning mayupaya nang gamat; uling ing lugud na alang angga.

Ding Dalit 89:14

Ing hustisia at katuliran ila ding asias ning kekang kayarian; ing lugud at katapatan mayayakit king sabla mung daraptan.

Exodo 12:15

Ngana ning Ginu, Kilub ding pitung aldo e kayu sukat mamangan tinape nune mu itang alang lebadura. King mumunang aldo ilako yu karing pibalebale yu ing sablang lebadura, uling ing ninumang mangan tinape ating lebadura kilub ding pitung aldo reta, mitiwalag ya king balen ning Israel.

Exodo 12:17

Sukat yeng gampanan iting Piesta ning Tinape Alang Lebadura uling king aldong iti kanita ku la ngan liwal ibat Ehipto ding tribu yu. Pagselebran ye iting aldo bilang metung a piesta karing panaun a datang pa.

Exodo 12:19

Kilub ding pitung aldo alang lebadurang sukat mayakit kilub ding pibalebale yu, uling ing ninuman, dayuan ya man o tubu ya king kekayung lugal, a mangan tinape ating lebadura mitiwalag ya king balen ning Israel.

Exodo 12:2

Iti ya ing sukat maging mumunang diling bulan na ning pabanua para kekayu.

Exodo 12:41

Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 12:42

Metung yang pamaglame na ning Ginu itang kabengian a ita ban ilual na la king sakup na ning Ehipto. Inya tatalaga de ring Israelita king Ginu ing anti kanitang kabengian king panaun pang daratang bilang metung a kabengian na ning pamaglame ra.

Exodo 12:8

King benging ita sukat minangnang ing laman at mapangan a kayabe ding mapait a gule at ning tinape alang lebadura.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:9

Maging kapigaganakan ya iting selebrasyun; mangari ya king metung a bage tinali yu king gamat yu o kaya king kanuan yu, at ipaganaka na kekayu king alang patugut yeng kikilalanan at pagaralan ing Batas ning Ginu, uling liwal na kayu ning Ginu ibat king Ehipto king kapamilatan na ning maragul nang upaya.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 20:8

Igalang ye ing Aldo ning Sabbath at ipangiling ye.

Exodo 23:15

King bulan ning Abib, ing bulan nung kapilan kayu linual Ehipto, pagselebran ye ing Piesta ning Tinape Alang Lebadura, antimo ing inutus ku na kekayu. E kayu mamangan tinape ating lebadura kilub ding pitung aldo a makatuldu para kaniting piesta. E ya mamarap king pamanyamba kanaku ing ninuman a ala yang daralang ain.

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 34:18

Pagselebran ye ing Piesta ning Tinape Alang Lebadura. Antimo ing inutus ku na kekayu, tinape alang lebadura ing kanan yu karing pitung aldo a makatuldu king bulan ning Abib, uling king bulan a ita kanita kayu meko king Ehipto.

Exodo 6:1

Kanita ngana ning Ginu kang Moises, Akit mu mu rin nung nanu ing daptan ku king ari. Mapilit yang palakuan na la. Puersan keng itabi na la king kayarian na.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Jeremias 34:13

ing Dios ning Israel, sinabi na kanaku king sabian ku karing memalen ing anti kaniti: Ginawa kung kasunduan karing makatua yu inyang linigtas ku la king Ehipto at leko king panga-ipus. Sinabi ku karela king

Daniel 9:15

O Ginung kekaming Dios, pepakit mu ing kekang upaya king kapamilatan ning pamilual mu king kekang balen ibat Ehipto, at angga man ngeni e makakalinguan ing upaya mu. Mikasala kami; e mayap ing gewa mi.

Mateo 10:12

Neng sasalangi kayu king isanu mang pibalebale, ibie yu ing pamamuge ning kapayapan.

Lucas 22:19

At kinua ne ing tinape at kaybat nang mekapasalamat king Dios, pemirasu ne ing tinape at binie ne karela. Ngana, Iti ya ing katawan ku [a miyain para kekayu. Daptan yu iti king kapigaganakan kanaku.

1 Corinto 11:24

pepasalamat ya king Dios, pemirasu ne ing tinape at ngana, Iti ya ing katawan ku a miyain para kekayu. Daptan yu iti bilang kapigaganakan kanaku.

1 Corinto 5:8

Inya, pagselebran ta ya ing kekatamung Pamaglagpus e king tinape a atin matuang lebadura, ing lebadura na ning pamikasala at imoralidad, nune king tinape a alang lebadura, ing tinape na ning kalinisan at katapatan.

Efeso 1:19

at ing alang angga nang kayupayan kekatamung maniwala keya. Ing kayupayan a iti

Deuteronomio 13:10

Basibasan yeng batu angga king mate ya, uling ginawa yang paralan ban alaut na kayu king Ginung kekayung Dios a milual at migligtas kekayu king pangayalipan karin king Ehipto.

Deuteronomio 13:11

Mibalita kanita karing sablang Israelita ing milyari at mitakutan la. Ala na kanitang gawa pa libutad yu king e mayap a anti kanita.

Deuteronomio 13:5

Itang propetang ita o itang mapaninap a ita sukat yang paten, uling tuturu na kayung lumaban king Ginung kekayung Dios nung ninu ing milual at migligtas king pangayalipan yu karin king Ehipto. Sukat yang paten o ilako libutad yu ing taung makanyan at e mayap a sasabian, uling lilili na kayu ketang dalan a inutus nang dalanan yu ning Ginung kekayung Dios.

Deuteronomio 13:6

Nung agkatan na kayung lihim ning kapatad yu o ning kasing-ibpa yu o kasing-indu yu o ning anak yung lalaki o ning anak yung babai o ning asawa yung kaluguran o ning matalik yung kakaluguran ban samba at sumuyung aliwang dios a e yu balu at e ra naman balu ding makatua yu,

Deuteronomio 15:15

E yu sa kakalinguan king meging ipus kayu naman karin king Ehipto, oneng gewa na kayung malaya ning Ginung kekayung Dios. Iti ing sangkan nung inya babie ke iting kautusan.

Deuteronomio 16:1

Paselebran ye ing Pamaglagpus king bulan na ning Abib bilang parangal king Ginung kekayung Dios, ing milual kekayu king Ehipto king misan a bengi na ning bulan ning Abib.

Deuteronomio 16:12

Tukian yu lang mitmung kaingatan deting tuntunan at e yu bitasang kakalinguan king meging ipus kayu karin king Ehipto.

Deuteronomio 16:3

E kayu mamangan kayabe na tinape ating lebadura; ing tinape alang lebadura, ing tinape na ning pamagkakasakit, ya ing kanan yung kayabe na kilub ding pitung aldo, antimo ing gewa yu inyang mirarapal kayung linual Ehipto. Daptan yu iti ban e yu na kalinguan king kekaban ning bie yu ing paglako yung mirarapal king Ehipto.

Deuteronomio 24:18

E yu sana kakalinguan king meging ipus kayu karin king Ehipto, oneng linigtas na kayu ning Ginung kekayung Dios. Iti ing sangkan nung inya binie ku la deting kautusan.

Deuteronomio 24:22

E yu sana kakalinguan king meging ipus kayu karin king Ehipto. Iti ing sangkan nung inya binie ku la deting kautusan.

Deuteronomio 26:8

Linigtas na kami ibat Ehipto king kapamilatan na ning upaya na, ning bage makapangilabut, at dapat a pagmumulalan.

Deuteronomio 4:34

Atin na waring metung mu mang dios a migkapilit ilual na la ding memalen nang atyu libutad ning aliwang bansa king kapamilatan na ning pagsubuk, tanda, gera, at bage pagmumulalan a anti ing ikit yung depat ning Ginung kekayung Dios karin king Ehipto?

Deuteronomio 5:15

E yu sa kakalinguan king meging ipus kayu naman king Ehipto at aku, ing Ginung kekong Dios, linigtas da kayu karin king kapamilatan na ning kanakung upaya at sikanan. Inya inutus ku king ipangiling ye ing Aldo ning Sabbath.

Deuteronomio 5:6

Aku ing Ginung kekayung Dios, ing migligtas kekayu king pangayalipan karin king Ehipto.

Deuteronomio 6:12

mingat kayu pota akalinguan ye ing Ginung migligtas at milual kekayu king pangayalipan karin king Ehipto.

Deuteronomio 6:21

ipakibat yu karela, Meging ipus na kami ning ari ning Ehipto at linigtas na kami ning Ginu king kapamilatan na ning upaya na.

Deuteronomio 7:8

Oneng tune kaluguran na kayu ning Ginu at buri na ing tuparan na itang pangaku a binie na karing makatua yu. Inya linigtas na kayu at leko king pangayalipan yu king ari na ning Ehipto king kapamilatan na ning upaya na.

Deuteronomio 8:14

E kayu sana magmaragul pota kalinguan ye ing Ginung kekayung Dios a migligtas kekayu king pangayalipan karin king Ehipto.

Deuteronomio 9:12

Kanita ngana kanaku ning Ginu, Sulung, puntalan mu na lang agad ding kabalen mung liwal mu king Ehipto uling dinapat lang e ustu. E la memintu king utus ku; agad lang ginawang rebultu at simban de.

Josue 24:17

Liwal na katamu at ding makatua tamu ning Ginung kekatamung Dios ibat king pangayalipan karin Ehipto, at ikit tamu ing bage pagmumulalan a depat na. Iningat na katamu nu ta man miras karing sakup da ring sablang bansa a delanan tamu.

Ukum 2:12

Kelinguan de ing Ginu, ing Dios da ring makatua da, ing Dios a milual karela ibat Ehipto, at megumpisa lang sinuyu karing aliwang dios, ding dios da ring taung makapadurut karela. Diku da la ring buntuk da kareting dios at pepamua re ing Ginu.

Ukum 6:8

tinubud ne ning Ginu ing metung a propeta. At king kapamilatan na iti ing sinabi na karela ning Ginu, ing Dios ning Israel, Aku ing milual kekayu king panga-ipus yu king Ehipto.