Exodo 13:21 - Ing Mayap a Balita Biblia

²¹ Penimunan na la ning Ginu kabang dalan: neng aldo, king kapamilatan na ning metung a asias a biga ba neng ituru karela ing dalan; neng bengi naman king kapamilatan na ning metung a asias a api ba na lang dinan sala. King anti kanitang paralan da milyaring sindu ing pamaglakbe da neng aldo at bengi.

Exodo 13:21 Iomraidhean Croise

Nehemias 9:12

Bukud kaniti, neng aldo pitnubayan mu la king kapamilatan ning asias a biga, at asias a api neng bengi ban suluan ing dalanan da king paglakbe ra.

Nehemias 9:19

Uli ning maragul mung lunus e mo pepaburen king ilang; e me leko ing asias a biga at api neng maglakbe la aldo't bengi.

Ding Dalit 105:39

Selilungan na la king biga, at dininan api ban munie sala neng bengi.

Ding Dalit 68:7

O Dios, kanitang keka lang teiran ding kekang memalen, at kanitang ing disyerto yang kekang delanan,

Ding Dalit 77:20

Tinaid mong kekang memalen antimong metung a kawan king kapamilatan nang Moises ampon i Aaron.

Ding Dalit 78:14

Neng aldo kapamilatan ning biga ya ing tinaid karela, at neng bengi kapamilatan ning aping masala.

Ding Dalit 99:7

Migsalita ya karela busal ning biga, at tiparan da lang tuntunan at kautusan a binie ning Ginu karela.

Exodo 10:10

Ngana ning ari, Susumpa ku king Ginu king kapilan man e ra kayu paintulutan ituki yu la ding asawa yu at anak! Masalang masala king atin kayung balak mag-rebeldi.

Exodo 16:10

Kabang magsalita ya i Aaron karing sablang memalen ning Israel melikid la banda king disyerto at kabud-abud ing makasilo nang aslag ning panga-atyu ning Ginu meyakit libutad na ning biga.

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Ing Malagung Diling Kanta 3:6

Nanu ya iting daratang ibat king disyerto a anting asuk ning mira at insenso, at aliwa pang tindang mabanglu ning taung magnegosyo?

Ding Bilang 10:34

At atyu tulid da ing biga na ning Ginu neng aldo maglakbe la.

Ding Bilang 14:14

at paniabian da karing sablang taung manuknangan keti ing sinabi yung daptan karing Israelita. Balu da na ring taung e Israelita king atyu kayu libutad mi at pepakit kayu kekami lupa't lupa, makatalakad ya babo mi ing biga yu, at manimuna kayu kekami king kapamilatan na ning asias a biga neng aldo at ning asias a api neng bengi.

Deuteronomio 1:33

ing mitnube kekayu neng bengi king kapamilatan na ning asias a api at king kapamilatan na ning asias a biga neng aldo ban ituru ing dalan a tuntunan yu.

Deuteronomio 31:8

Ing Ginu mismu ya ing manimuna at mantabe keka. E na ka paburen o lakuan. Inya e ka sukat mitatakutan o mimina lub.