Exodo 13:19 - Ing Mayap a Balita Biblia

¹⁹ Dela na lang Moises ding butul nang Jose bilang kapamintuan king kapagnasan nang Jose karing Israelita ing idala da la ring butul na potang mako na la Ehipto. Nganang Jose kanitang panaun a ita, Potang iligtas na na kayu ning Dios, kailangan ing idala yu la ding butul ku king paglako yu.

Exodo 13:19 Iomraidhean Croise

Genesis 48:21

Kanita nganang Jacob kang Jose, Anak, malapit na kung mate, oneng e na ka paburen ning Dios. Ibalik na ka king gabun da ring kekang pipumpunan.

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Lucas 1:58

Abalu da ring siping nang bale at kamaganak ing makapagmulala nang kayapan ning Ginu kang Elizabeth. At mekipagsaya la ngan kang Elizabeth.

Lucas 7:16

Mitakutan la ding sabla at pinuri de ing Dios. Ngara, Linto ya libutad tamu ing metung a maragul a propeta! Dinatang ya ing Dios ba neng iligtas ing balen na!

Ding Dapat 7:15

Kanita ya linuslus papunta Ehipto i Jacob, at karin na la ngan mete, ya ampon ding makatua tamu.

Ding Dapat 7:16

Kaybat na nita, linipat da la ring karelang bangke karin king Sikem. Kitkut da la king kutkutan a seli nang Abraham king tribu nang Hamor.

Hebreo 11:22

Ing kasalpantayanan ya namang minutus kang Jose inyang migsalita ya bayu ya mete tungkul king paglual da Ehipto ding Israelita, at milakuan yang bilin tungkul karing butul na.

Josue 24:32

Dela da la ring memalen na ning Israel ding butul nang Jose manibat Ehipto. Kitkut da la Sikem ketang kapirasung gabun a seli nang Jacob karing anak nang Hamor, ing tata nang Sikem, king alagang dinalan a pirasung pilak. Miyabie ya ing gabun a iti karing lahi nang Jose anting pimamanan.