Exodo 13:12 - Ing Mayap a Balita Biblia

¹² sukat yeng iyain king Ginu ing balang pangane anak yung lalaki. Mangaintulid ya naman king Ginu ing balang pangane lalaki karing sese yung animal,

Exodo 13:12 Iomraidhean Croise

Nehemias 10:36

Idala mi la naman karing pari a susuyu king Bale ning Dios ding anak ming lalaking pangane, ding baka, at aliwa pang sese animal, agpang king aduan na ning Kautusan, ban italaga la king Dios.

Nehemias 10:37

Idala mi munaman karing paring susuyu king Bale ning Dios ing masa a megawa king trigung mumunang pupul balang banua at ing aliwa pang ain: bungang tanaman, alak, at larung olibo. Ibie mi la naman ding sikapulu da ring kekaming asikan. Ding lumikum kareti ila ding Levita at kaybat idala da la karing bodega ning Bale ning Dios.

Exodo 13:1

Ngana ning Ginu kang Moises,

Exodo 13:2

Italaga mu la ngan kanaku ding anak a pangane lalaki. Bandi ke ing balang anak a lalaking Israelitang pangane at ing balang pangane karing animal a lalaki.

Exodo 22:28

E kayu magsalitang e mayap laban king Dios o panagkasan ing manimuna na ning balen yu.

Exodo 22:29

E yu piluat-luat ing pamiyain yu kaku karing sukat yung iyain ibat king pupul yu, king alak a apalto yu karing ubas yu, at king laru a ibat karing tanaman yung olibo. Iyain ye kanaku ing pangane karing anak yung lalaki.

Exodo 34:19

Mangaintulid ya kanaku ing balang anak a lalaking pangane at ing balang pangane lalaki karing animal a sese yu,

Exodo 34:20

oneng malyari yeng atbusan ing pangane da ring asno king pamiyain yung metung a biserung tupa. Nung e ye buring atbusan, sukat yeng paklian a batal. Kailangan yu la namang atbusan ding sablang anak yung lalaking pangane. E ya sukat lumapit kanaku ing ninuman a alang daralang ain.

Ezekiel 16:20

Kaybat na nita, kinua mu la pa ding anak tang lalaki at babai, at binie mu la bilang ain-sakripisyu karing larawan a balamu mo e pa sapat ing kekang kataksilan.

Ezekiel 44:30

Karapatdapat ya karela ing mayap diling mumunang bunga da ring tanaman at ding makabukud a ain da ring tau. Itang mumunang tinape a alutu da ring tau sukat deng ibie karing pari at ing bendisyun manatili karing pibalebale da ring minain.

Levitico 27:26

E na ne malyaring italaga pa ning ninuman ing anak a pangane na ning sese nang animal, uling ita bandi ke, ing Ginu, baka ya man o tupa o kambing.

Ding Bilang 18:15

Keka na la naman ding balang mibait a pangane anak o sese animal a tatalaga da ring Israelita kanaku. Kailangan mu lang tanggapan ding alagang panatbus da king pangane rang anak at king pangane sese rang animal a mituring e malinis.

Ding Bilang 3:12

Pinili ku la ring Levita karing sablang lahi nang Israel bilang kayalili da ring anak a pangane mibait; inya bandi ku la ring Levita.

Ding Bilang 3:13

Kanaku la ring sablang pangane uling kanitang pete ku la ring sablang pangane karin Ehipto telaga ke para kanaku ing balang pangane king Israeltau ya man o sese animal. Wa, kanaku la mangaintulid. Aku ing Ginu.

Ding Bilang 8:17

uling kanaku la ding sablang anak a pangane da ring memalen na ning Israel, tau ya man o animal; kewani ku na la reti para kanaku kanitang pete ku la ring anak a pangane da ring tau Ehipto.

Lucas 2:23

Iti ya ing makasulat king kautusan na ning Ginu, Kailangan yang mitalaga king Ginu ing balang lalaking pangane.

Deuteronomio 15:19

Kailangan lang italaga king Ginung kekayung Dios ding sablang mumunang ayanak dang lalaki ding sese yung animal. E yu la gagamitan pagobra deting pangane baka at e yu la ururan ding tupa a mitalaga na king Dios.